Current Word Count: 41433 Night Walkers is a horror fantasy story about good, evil, demons and vampires. It is set in the present, in our world (San Francisco, in particular). Like most of my fiction, it is told in a serial (or episodic) fashion, although with strong continuity. I've tried to depart from genre conventions in a few places. The vampires, in particular, are not what you'd normally expect. Other material is straight out of Lovecraft or similar. This story is not being written with children as an intended audience. It has graphic violence and explicit sex. In addition, much of it is designed to be unpleasent, disturbing, or creepy. You have been warned. No offense is intended to Masons; they were just low hanging fruit. Sorry. This story is written entirely in Lojban. The following chapters are more or less complete: 1, 2, 3 and 4. nicte cadzu 1 pi 1 pi'e 1 mo'o * Last Modified: Thu Oct 5 11:14:00 2006 * Word Count: 843 nicte cadzu 1 pi 1 pi'e 2 mo'o * Last Modified: Thu Oct 5 11:14:02 2006 * Word Count: 85 nicte cadzu 1 pi 2 pi'e 1 mo'o * Last Modified: Thu Oct 5 11:14:01 2006 * Word Count: 884 nicte cadzu 1 pi 3 pi'e 1 mo'o * Last Modified: Thu Oct 5 11:14:01 2006 * Word Count: 879 nicte cadzu 1 pi 4 pi'e 1 mo'o * Last Modified: Thu Oct 5 11:14:01 2006 * Word Count: 770 nicte cadzu 1 pi 4 pi'e 2 mo'o * Last Modified: Thu Oct 5 11:14:01 2006 * Word Count: 430 nicte cadzu 1 pi 5 pi'e 1 mo'o * Last Modified: Thu Oct 5 11:14:01 2006 * Word Count: 704 nicte cadzu 1 pi 5 pi'e 2 mo'o * Last Modified: Thu Oct 5 11:14:01 2006 * Word Count: 442 nicte cadzu 1 pi 6 pi'e 1 mo'o * Last Modified: Thu Oct 5 11:14:01 2006 * Word Count: 243 nicte cadzu 2 pi 1 pi'e 1 mo'o * Last Modified: Thu Oct 5 11:14:01 2006 * Word Count: 759 nicte cadzu 2 pi 1 pi'e 2 mo'o * Last Modified: Thu Oct 5 11:14:01 2006 * Word Count: 709 nicte cadzu 2 pi 1 pi'e 3 mo'o * Last Modified: Thu Oct 5 11:14:01 2006 * Word Count: 641 nicte cadzu 2 pi 2 pi'e 1 mo'o * Last Modified: Thu Oct 5 11:14:01 2006 * Word Count: 813 nicte cadzu 2 pi 2 pi'e 2 mo'o * Last Modified: Thu Oct 5 11:14:01 2006 * Word Count: 908 nicte cadzu 2 pi 2 pi'e 3 mo'o * Last Modified: Thu Oct 5 11:14:00 2006 * Word Count: 753 nicte cadzu 2 pi 3 pi'e 1 mo'o * Last Modified: Thu Oct 5 11:14:02 2006 * Word Count: 890 nicte cadzu 2 pi 3 pi'e 2 mo'o * Last Modified: Thu Oct 5 11:14:02 2006 * Word Count: 747 nicte cadzu 2 pi 4 pi'e 1 mo'o * Last Modified: Thu Oct 5 11:14:02 2006 * Word Count: 810 nicte cadzu 2 pi 4 pi'e 2 mo'o * Last Modified: Thu Oct 5 11:14:02 2006 * Word Count: 828 nicte cadzu 2 pi 4 pi'e 3 mo'o * Last Modified: Thu Oct 5 11:14:02 2006 * Word Count: 784 nicte cadzu 2 pi 4 pi'e 4 mo'o * Last Modified: Thu Oct 5 11:14:01 2006 * Word Count: 268 nicte cadzu 2 pi 5 pi'e 1 mo'o * Last Modified: Thu Oct 5 11:14:02 2006 * Word Count: 862 nicte cadzu 2 pi 5 pi'e 2 mo'o * Last Modified: Thu Oct 5 11:14:02 2006 * Word Count: 346 nicte cadzu 3 pi 1 pi'e 1 mo'o * Last Modified: Thu Oct 5 11:14:02 2006 * Word Count: 891 nicte cadzu 3 pi 1 pi'e 2 mo'o * Last Modified: Thu Oct 5 11:14:02 2006 * Word Count: 548 nicte cadzu 3 pi 2 pi'e 1 mo'o * Last Modified: Thu Oct 5 11:14:02 2006 * Word Count: 757 nicte cadzu 3 pi 2 pi'e 2 mo'o * Last Modified: Thu Oct 5 11:14:02 2006 * Word Count: 458 nicte cadzu 3 pi 3 pi'e 1 mo'o * Last Modified: Thu Oct 5 11:14:01 2006 * Word Count: 825 nicte cadzu 3 pi 3 pi'e 2 mo'o * Last Modified: Thu Oct 5 11:14:02 2006 * Word Count: 224 nicte cadzu 3 pi 4 pi'e 1 mo'o * Last Modified: Thu Oct 5 11:14:02 2006 * Word Count: 785 nicte cadzu 3 pi 4 pi'e 2 mo'o * Last Modified: Thu Oct 5 11:14:02 2006 * Word Count: 833 nicte cadzu 3 pi 4 pi'e 3 mo'o * Last Modified: Thu Oct 5 11:14:02 2006 * Word Count: 841 nicte cadzu 3 pi 5 pi'e 1 mo'o * Last Modified: Thu Oct 5 11:14:04 2006 * Word Count: 773 nicte cadzu 4 pi 1 pi'e 1 mo'o * Last Modified: Thu Oct 5 11:14:01 2006 * Word Count: 723 nicte cadzu 4 pi 2 pi'e 1 mo'o * Last Modified: Thu Oct 5 11:14:04 2006 * Word Count: 831 nicte cadzu 4 pi 2 pi'e 2 mo'o * Last Modified: Thu Oct 5 11:14:04 2006 * Word Count: 189 nicte cadzu 4 pi 3 pi'e 1 mo'o * Last Modified: Thu Oct 5 11:14:04 2006 * Word Count: 797 nicte cadzu 4 pi 4 pi'e 1 mo'o * Last Modified: Thu Oct 5 11:14:04 2006 * Word Count: 760 nicte cadzu 4 pi 4 pi'e 2 mo'o * Last Modified: Thu Oct 5 11:14:04 2006 * Word Count: 632 nicte cadzu 4 pi 5 pi'e 1 mo'o * Last Modified: Thu Oct 5 11:14:04 2006 * Word Count: 633 nicte cadzu 4 pi 5 pi'e 2 mo'o * Last Modified: Thu Oct 5 11:14:00 2006 * Word Count: 319 nicte cadzu 5 pi 1 pi'e 1 mo'o * Last Modified: Thu Oct 5 11:14:04 2006 * Word Count: 876 nicte cadzu 5 pi 2 pi'e 1 mo'o * Last Modified: Thu Oct 5 11:14:04 2006 * Word Count: 877 nicte cadzu 5 pi 2 pi'e 2 mo'o * Last Modified: Thu Oct 5 11:14:04 2006 * Word Count: 275 nicte cadzu 5 pi 3 pi'e 1 mo'o * Last Modified: Thu Oct 5 11:14:04 2006 * Word Count: 805 nicte cadzu 5 pi 3 pi'e 2 mo'o * Last Modified: Thu Oct 5 11:14:04 2006 * Word Count: 260 nicte cadzu 5 pi 4 pi'e 1 mo'o * Last Modified: Thu Oct 5 11:14:04 2006 * Word Count: 444 nicte cadzu 5 pi 5 pi'e 1 mo'o * Last Modified: Thu Oct 5 11:14:04 2006 * Word Count: 820 nicte cadzu 5 pi 5 pi'e 2 mo'o * Last Modified: Thu Oct 5 11:14:01 2006 * Word Count: 804 nicte cadzu 5 pi 5 pi'e 3 mo'o * Last Modified: Thu Oct 5 11:14:04 2006 * Word Count: 797 nicte cadzu 5 pi 5 pi'e 4 mo'o * Last Modified: Thu Oct 5 11:14:04 2006 * Word Count: 468 nicte cadzu 6 pi 1 pi'e 1 mo'o * Last Modified: Thu Oct 5 11:14:04 2006 * Word Count: 828 nicte cadzu 6 pi 1 pi'e 2 mo'o * Last Modified: Thu Oct 5 11:14:04 2006 * Word Count: 861 nicte cadzu 6 pi 1 pi'e 3 mo'o * Last Modified: Thu Oct 5 11:14:04 2006 * Word Count: 523 nicte cadzu 6 pi 2 pi'e 1 mo'o * Last Modified: Thu Oct 5 11:14:04 2006 * Word Count: 816 nicte cadzu 6 pi 2 pi'e 2 mo'o * Last Modified: Thu Oct 5 11:14:00 2006 * Word Count: 187 nicte cadzu 6 pi 3 pi'e 1 mo'o * Last Modified: Thu Oct 5 11:14:04 2006 * Word Count: 784 nicte cadzu 6 pi 3 pi'e 2 mo'o * Last Modified: Thu Oct 5 11:14:04 2006 * Word Count: 594 nicte cadzu 6 pi 4 pi'e 1 mo'o * Last Modified: Thu Oct 5 11:14:04 2006 * Word Count: 755 nicte cadzu 6 pi 4 pi'e 2 mo'o * Last Modified: Thu Oct 5 11:14:04 2006 * Word Count: 443 nicte cadzu 6 pi 5 pi'e 1 mo'o * Last Modified: Thu Oct 5 11:14:04 2006 * Word Count: 613 nicte cadzu 7 pi 1 pi'e 1 mo'o * Last Modified: Thu Oct 5 11:14:04 2006 * Word Count: 875 nicte cadzu 7 pi 1 pi'e 2 mo'o * Last Modified: Thu Oct 5 11:14:01 2006 * Word Count: 455 nicte cadzu 7 pi 2 pi'e 1 mo'o * Last Modified: Thu Oct 5 11:14:04 2006 * Word Count: 56 - --------------------------------------------------------------------- ni'o cai lisri la nicte cadzu ni'o sai pa mo'o nu penmi ni'o pa pi pa mo'o nu cadzu .i .e'u nai cai la nicte cadzu ba mulno spogau lo se terpa da poi fanva dei lo na logji bangu .i mu'i bo lo nu fanva cu rinka lo nu da poi mi'a mipri ke'a lo bradi be mi'a cu tolmipri binxo .i la'a la'e di'u simlu lo ka mutce cizra vau do .i ku'i do ba jimpe .i di'e krasi le lisri ni'o ni'o la susan cu mutce lerci le nu penmi le mensi be ri .i la susan ze'u na penmi le mensi .i ri'a bo la susan fa'u le mensi cu xabju la kalifornias fa'u la masytcusets .i ku'i ca le cabycte le mensi cu vitke lo tcadu poi sy xabju vau zi'e no'u la san fransiskos zi'e no'u la sanfran .i la susan ca sutra cadzu klama le gusta po le nu penmi ni'o la susan cu zgana lo cmalu dargu poi jai jdika lo ni cadzu .i ku'i mutce manku gi'e se terpa .i ku'i sy peisku lo glico panra be lu na srana .i lo sluji be fi mi cu xamgu .i mi pu tadni lo nu damba ca lo nu mi citno .i mi ka'e kurji mi li'u .i se ki'u bo nergau le cmalu dargu .i sy gasnu co zenba jdari jgari lo kosta mu'i lo nu le dargu canlu cu lenku gi'e ji'a mutce zmadu lo vi drata dargu canlu lo ka lenku .i sy zgana lo nu la'e di'u cu mutce cizra .i se mu'i bo zenba sutra cadzu ni'o sy ze'a cadzu .i le dargu canlu cu manku binxo ri'a lo nu so'o tergu'i cu spofu .i ba bo mulno lo ka manku .i sy terpa la'e di'u .i ku'i mutce lerci .i se ki'u bo ti'a le xance sy klama lo manku .i mutce smaji .i sy tirna lo vasxu se bacru be lo gerku be'o .e nai lo drata .i ba zi bo sy facki lo du'u lo bitmu cufanmo le dargu .i le bitmu cu rufsu .i se ri'a bo sy cortu le xance.i la susan cu so'i roi mabla bacru .i sy carna fi lo te cliva be le bitmu pu'o lo nu sy zgana lo nu lo bitmu cu te gusni lo crane lo grusi ni'o se pi'o lo bitmu gusni sy ka'e zgana lo se zvati .i lo cmalu gerku po'o cu zvati le fanmo be le dargu .i le gerku cu catlu sy gi'e sligau lo rebla .i za'a le bitmu cu marji lo staku bliku .i ji'a lo ciblu be lo xance be sy cu cpana .i .ii .u'e sy pencu le bitmu le xance da .i je da krasi lo boxna be le bitmu sefta .i .u'e sai na sance la'e di'u .i ji'a le ciblu poi cpana le bitmu cu se sakcpu le bitmu .i le sefta be le bitmu cu simlu lo ka se boxna gi'e cenba lo ka skari .i sy cu djica lo nu cliva vau mu'i lo nu lerci .i ku'i tu'a le bitmu cu dukse lo ka cinri je cizra je se terpa .i le gerku cu co'a cladu bacru ni'o spaji fa lo nu lo gusni cu jmaji lo tarmi .i sy ze'a zgana lo tarmi poi ca'o cenba .i ba bo sy suksa jimpe lo du'u le tarmi cu simsa lo .oxtapodi .i le tarmi cu co'u mulno lo ka frica lo sruri .i ji'a .ii cai pa tu'urbirka cu tcena lo ba'e vacri pe fa'a sy .i so'o tu'urbirka cu ba zi ji'a tcena .i re ri muvdu je jgari le gerku .i lo tu'urbirka cu tagji zenba .i ca'o bo le gerku cu cladu cmoni .i ji'a ri binxo co porpi re spisa .i lo ciblu cu se bumru lo ve'i canlu .i pi so'u ciblu cu binxo co cpana la susan .i la'e di'u rinka lo ka sy kakne lo nu bajra .i sy carna lo te cliva be lo tu'urbirka crida ca lo nu lo tu'urbirka co'a lacpu lo gerku spisa fa'a lo barda ke blabi ja'urxe'a poi nenri lo midju be lo crida ni'o sy bajra se rai lo ka kakne sutra .i ku'i pensi lo si'o krixa .i ba zi bo ji'a sy viska lo zdani claxu remna se pi'o lo bitmu gusni .i ry sipna ni'a lo papri .i sy jgari ry gi'e troci lo nu cikna rinka .i sy krixa lo glico panra be lu .ii ko sanli .i ta jersi .i ko bajra li'u .i ku'i za'a ry na jimpe .i sy krici lo nu ry menli tolcertu .i ku'i sy ka'e tirna lo cilmo ke citka sance .i se mu'i bo jgari ry .i rinka lo nu ry sanli .i sy viska lo nu le crida cu mulno cliva le bitmu gi'e klama lo re remna .i se mu'i bo sy lacpu le zdani claxu .i ku'i ri mutce masno .i sy ca'o troci lo nu sidju - --------------------------------------------------------------------- ni'o le remna cu farlu .i sy pu'o sidju ca lo nu le crida cu jgari ry .i so'o tu'urbirka cu lacpu ry fa'a le moklu ca'o lo nu lo drata cu lacpu le crida fa'a sy.i ry pu zi co'a krixa .i ku'i ry jibni le moklu .i ca bo sy tirna lo smaji batci sance .i ry mulno ke smaji je toljdari ke'e binxo .i sy boi za'u roi bajra gi'e klaku fi tu'a ry - --------------------------------------------------------------------- ni'o pa pi re mo'o nu badgau .i mutce manku ri'a lo nu le bitmu pu zi co'u te gusni .i se ni'i bo sy na viska lo remna poi sy janli ke'a .i ku'i sy na jai xrani ri .i ri'a bo ra jgari le birka be sy gi'e kurji to ku'i tcetce sutra toi renro sy lo loldi .i le nanmu to lo voksa cu ju'o mapti lo nanmu toi cusku lo glico panra be lu ko to'e sanli gi'e to'e muvgau .i la'a lo nu do bajra di'a cu mukti lo nu ti jdice lo du'u do zmadu mi lo ka cinri li'u ni'o cusku ri poi se terpa gi'e milxe cfipu sy ba'o so'i fasnu poi sy zgana ne'i lo simlu be tu'a pa mokca .i sy na kakne lo nu xamgu viska .i ku'i krici lo nu zgana la'e di'e ni'o pu lo nu le toljundi remna cu se daspo to rinka lo cnino ke ciblu bumru toi vau ny celgunta le crida fo lo barda ke xance xumjimcelxa'i lo cizra gusni dacti .i sy pu na djuno lo du'u lo xumjimcelxa'i poi barda simsa ti gi'e srana lo pa xance po'o cu zasti .i ku'i .ue ny ca'a pilno re xance .i lo nu celgunta cu rinka lo mutce cladu .e lo barda ke fagri gusni be ze'o lo jipno .i le crida cu pa re'u bacru .i bacru lo cmoni krixa poi simsa lo se xrani cinfo .i ca zi bo le crida cu sutra klama ny .i sy na'e sai jimpe lo tadji be lo nu lo oxtapodi simsa cu mutce sutra pa'a la'e di'u ne'i nai lo djacu .i ku'i .ii li'a sai le crida cu kakne .i ku'i .u'e le nanmu cu zmadu fi lo ka sutra .i sy boi no roi pu viska lo remna poi milxe jibni ny lo ka sutra ni'o ta'o lo ve xumjimcelxa'i ca'o gusni ne'i lo grusi rectu be le crida ca lo nu re tu'urbirka cu jibni binxo .i ta'o nai ny cu jgari re barda je kusru dakfu .i ny galtu clani plipe gi'e xa roi katna le crida ca lo nu .u'e sai sy ca'o pa roi ne'i mo'i vasxu .i le crida cu cladu zmadu krixa gi'e troci je snada lo nu jgari pa birka be ny to le birka poi te jgari lo dakfu toi .i .ui ny jgari ze'o lo barda kosta lo sinxa fagri grana gi'e renro ri le moklu be le crida .i ny ca lo nu lo ka cortu cu mukti lo nu na birka jgari cu jgari le moklu .i ki'u bo fanta lo nu le crida cu ze'o sputu lo fagri .i le crida cu tcetce slilu je desku .i lo la'a ciblu be le crida be'o poi grusi cu flecu lo loldi .i le crida cu jgari ny se ri'a no da ni'o ba za bo le crida cu co'u desku .i ji'a za'u roi manku .i sy tirna lo nu katna .e lo blaci botpi sance .i ku'i na djuno lo rinka .i sy mutce terpa desku .i ba zi bo le nanmu cu jibni klama gi'e friti lo xance .i ku'i lo ni terpa cu fanta lo nu pilno .i se ki'u bo ny dunda lo cmalu botpi gi'e cusku lo glico panra be lu pe'u do ko pinxe ti .i ri rinka lo nu do surla ca'o lo cacra be li so'o .i ji'a ko na terpa lo mukti be mi .i do pu zi viska da poi banzu lo nu do djuno lo du'u mi na nitcu lo xukmi lo nu da'i xairgau do li'u ni'o ti'a ny boi sy viska lo nu le crida cu litki binxo kei gi'e rigni desku .i sy masno cpacu le botpi se pi'o pa desku xance gi'e pinxe .i ny zo'e mo'i lo daski cu punji lo cmalu jadni le xadni .i ny cusku lo glico panra be lu mi pu viska lo nu do troci co sidju lo zdani claxu .i mutce virnu li'u .i sy na cinmo lo ka virnu .i ku'i cinmo mo'a da bai le se pinxe .i ca lo nu ny za'u re'u friti pa xance vau sy jgari ni'o ba zi bo la susan .e le nanmu cu sanli vi le cfari be le cmalu dargu .i ny friti lo judri karda gi'e cusku lo glico panra be lu ko lebna ti .i do ba djica lo nu tavla da .i ku'i no drata be mi'a ba krici do .i lo nu do troci lo nu fadni zukte ca lo nu do pu'o za'u roi tavla mi cu mutce vajni mi'a .i mi'a troci .a'i sai lo nu badgau lo remna tu'a lo se terpa se djuno li'u ni'o sy cpacu lo karda poi se prina lo glico panra be lu la .deivid.uit. poi cmima la nicte cadzu li'u .e lo fonxa judri po'o .i sy catlu le kanla be la deivid gi'e .a'u cu'i peisku lo glico panra be lu lo ti kanla zo'u vi'a xekri .i mulno se cau lo blabi .i ma rinka li'u .i ku'i sy tavla cusku lo glico panra be lu ki'e do li'u po'o gi'e carna le gusta po lo nu penmi le mensi - --------------------------------------------------------------------- ni'o pa pi ci mo'o nu jdice .i sy ca'a tolcliva le gusta ca lo nu le mensi be sy no'u la keit cu denpa .i ky se fanza .i ku'i ky ba zi tolmorji lo nu fanza vau mu'i lo nu casnu gi'e skicu lo se morji .i sy nelci lo nu penmi ky .i ku'i ca'o cinmo so'u da .i cizra cinmo .i ku'i sy na kakne lo nu mutce terpa la'e de'u .i sy jo'u ky casnu ze'a lo cacra be li ji'i re .i ba bo ky nitcu lo nu cliva vau ki'u lo nu gunka ca lo bavlamdei .i sy lifri lo nu casnu vau pa'a lo senva .i sy prami jgari ky gi'e suksa lifri lo nu bartu le gusta gi'e kansa no da gi'e se sruri lo manku nicte .i ca lo nu sy xruti lo zdani vau sy mutce gleki tu'a lo xukmi poi bandu fi lo nu terpa ni'o la susan cikna binxo ca lo nu terpa krixa .i va'o lo senva le crida cu ro roi vi jersi sy .i le moklu be sy cu sudga .i sy cortu le stedu .i sy kucli tu'a lo xalka bilma ba'o lo nu morji lo xukmi .i sy sanli mu'i lo nu cpacu lo djacu ni'o sy mutce djica lo nu to'e krici le nu crida gunta .i ku'i na kakne .i sy frili morji lo tcila be le nu gunta be'o gi'e pe'isku lo glico panra be lu lo nu mi se xanri ro purlamcte lifri cu nibli lo nu mi mulno lo ka fenki .i se ri'a bo mi bai krici no da .i ku'i la'e di'u cu na se plika'e .i se ki'u bo mi na'e pensi le cumki li'u .i sy sisku le karda be la deivid .i bazibo facki .i ku'i na pilno .i sy djica lo nu jimpe lo se pensi je se djica ba'o lo nu pilno .i ku'i na ca jimpe ni'o sy fonta'a lo jibri prenu lo nu na'e gunka ca le cabdei mu'i lo nu bilma .i sy na nitcu lo nu tcica galfi lo voksa .i ki'u bo sy ca'a bilma simlu .i lo jibri prenu cu curmi .i sy troci lo nu za'u roi sipna .i milxe snada .i ba bo sy milxe zenba lo ka xamgu cinmo .i sy pensi lo nu ca'a gunka .i ku'i pe'i na xamgu sidbo .i se ki'u bo sy zbasu lo tcati gi'e ji'a zutse vi lo canko te zu'e lo nu pensi ni'o pa mai sy kucli lo du'u ma kau jei fadni fa lo nu le crida cu gunta lo remna .i sy pensi la'e di'e .i za'a no da to'e se fadni le nu cadzu .i .ua na drani .i le ka mulno manku cu pu na'e se fadni .i ku'i la'a na ku lo crida cu tolcanci ne'i ro manku ke cmalu dargu .i va'o la'e di'u no zukte cu kakne lo nu fanta lo nu ro remna cu djuno tu'a lo crida .i se ni'i bo lo drata cu rinka lo nu lo crida cu tolcanci .i la'a cu'i cunso .i ji'a li'a na rirci .i ni'i bo la deivid simlu lo ka na terpa jo spaji .i da'i lo nu lo crida cu gunta pa roi lo nanca be li pa no no bai lo mutce purci ke dimna selsku to ri .a lo simsa toi cu mukti lo nu mutce xanka .i ku'i pe'i la deivid cu so'i sai roi damba lo crida ni'o la susan cu denpa lo nu zbasu lo cmalu sanmi gi'e di'a pensi la'e di'e ca'o lo nu citka .i sy ca kucli la deivid .i li'a sai lo cizra to ri ji'a milxe fenki toi remna po'o di'i damba lo crida .i ma mukti .i dy pu badgau sy .i ku'i za'a dy na'e mutce kurji sy .i li'a dy pu bandu so'i remna .i le se tarti be dy cu simsa lo jursa mikce lo ka sidju ro de gi'e ku'i na cinmo kurji .i sy pe'isku lo glico panra xe lu li'a lo nu damba lo crida cu jibri la deivid to'i cmalu nu denpa toi .i .ii dai sai .u'e sai mutce cizra gi'e se terpa li'u ni'o ku'i ji'a la .susan. pe'isku pa'a lu .i ku'i ji'a mutce vajni je banli .i lo remna poi bandu ro drata remna lo crida cu traji lo ka vrude je vajni .i ba'e mi no roi gasnu da poi vajni li'u .i ta'o la susan cu barja ke xalka selfu .i sy di'i sidju lo se selfu .i ku'i na krici lo du'u la'e di'u cu vajni .i sy glico pe'isku pa'a lu .oi mi bilga lo nu pensi lo fenki sidbo be lo xalka bilma se selfu .i la'a so'o ra cu jetnu li'u ni'o la susan cu suksa sanli gi'e cadzu fa'a lo fonxa .i ca'o bo glico pe'isku pa'a lu .o'o cu'i lo nu mi zukte jdice cu mukti lo nu mi ca zukte li'u .i sy pilno le judri .i ba zi bo lo na'e slabu voksa jai lojbo bacru lu coi ma do tavla lo krati be la nicte cadzu .i mi sidju do ma li'u - --------------------------------------------------------------------- ni'o pa pi vo mo'o nu casnu .i la susan cu mulno lo ka na jimpe .i se ki'u bo cusku lo glico panra be lu .y. ki'a sai li'u .i le se voksa cu cusku lo glico panra be lu .ue .u'u na drani bangu li'u be'o ce'o lo glico panra be le pu zi jufra .i sy spuda fi lo panra be lu ki'e do .i mi sisku tu'a la deivid uit li'u .i cmalu denpa .i py cusku pa'a lu la deivid cu nicte gunka .i se ki'u bo ca sipna to'i ji'a cmalu denpa toi .i xu do nitcu lo nu ciksi casnu li'u .i sy cusku pa'a lu go'i li'u ju'e lu je'e .i do djica lo nu ba tavla la .deivid. gi'i ca tavla lo drata li'u ju'e lu mi denpa tu'a la deivid li'u ju'e lu je'e .i .e'u ko vitke ti'u lo ji'i re no moi cacra li'u .i py dunda lo judri be lo gusta .i ba zi bo mo'u casnu ni'o la susan cu pensi ca'o le djedi .i ba bo sy klama lo gusta .i sy ze'i facki fi la deivid .i la'e di'u cu frili ri'a lo nu dy po'o dasni lo manku lenjo .i sy zutse vi dy gi'e cusku lo glico panra be lu .oi xu lo nu mipri cu sarcu .i mi ca djuno lo jibri be do .i ji'a ma mukti lo nu pilno lo manku lenjo .i la'e di'u na banzu lo nu mipri le flira be do li'u .i dy milxe se fanza gi'e cusku pa'a lu pa mai do ba'e na djuno le jibri be mi .i la'a cu'i do smadi po'o .i re mai le manku lenjo cu bandu ge nai le flira be mi gi ro kanla be mi lo nu xrani .i ci mai lo nu mipri cu bandu lo pendo be mi li'u ni'o le re mei denpa .i da selfu re ra lo nu ciska lo se djica cidja .i ba zi bo sy cusku pa'a lu .u'u sai mi di'i cusku pu lo nu mi pensi ze'a lo banzu li'u .i dy cusku lu ki'e .y. ma li'u ju'e lu mi'e susan li'u ju'e lu coi susan .i .e'u lo nu do skicu ro se krici be do bei mi cu xamgu cfari li'u ju'e lu vi'o .i do'o se jibri lo nu bandu fi lo crida .i lo nu do damba cu di'i sarcu to'i cmalu denpa .i sy barda vasxu toi .i ji'a .au sai mi kansa do lo nu bandu li'u .i mu'i la'e di'u lo flira be dy cu milxe fengu binxo .i dy cusku pa'a lu do be'a na djica li'u .i mu'i la'e di'u sy zmadu fengu binxo gi'e cladu cusku pa'a lu do ba'e na zifre lo nu skicu ma kau poi mi djica .i .o'o nai sai do pu zi fengu mi lo nu mi pu skicu lo krici be do .i ku'i do ca mintu gasnu li'u ni'o dy se fanza bacru gi'e cusku pa'a lu mi xenru .i ku'i do na jimpe ro pagbu be le se cpedu be do .i ma mukti le nu cpedu li'u ju'e lu mi no roi gasnu da poi mutce vajni .i ju'o do se jibri lo mutce vajni li'u ju'e lu go'i .i ji'a mutce ckape gi'e se sarcu lo nu cirko so'i da .i xu le zdani claxu remna poi pu morsi binxo ca srana le se cpedu li'u ju'e lu milxe srana .i da'i lo nu mi na djica lo nu bandu lo simsa remna cu mukti lo nu mi na cpedu .i cirko ma mu'a li'u ju'e lu mu'a mi na kakne lo nu cadzu ca lo donri se cau lo jinme jorne lenjo noi mutce manku gi'e to'e melbi gi'e kajde ro da lo nu mi mutce cizra li'u ni'o sy cmila .i dy cusku pa'a lu ma zdile li'u ju'e lu mi bajra ke xalka selfu .i sa'e nai mi na morji lo detri be lo purlamke'u be lo nu mi viska lo solri li'u ju'e lu .ua .u'i li'a do na mutce terpa lo nu cikna ca'o lo nicte po'o li'u .i dy ze'u smaji zgana sy .i la'e di'u faurtei lo temci poi zmadu lo banzu be lo nu sy mutce xanka binxo .i ji'a sy ganse lo mutce cizra .i simsa lo nu sy pencu lo lenku .e ba bo lo glare .e ba bo lo pecycpina lo ve'e skapi .i sy co'a krici lo du'u dy catlu lo ruxse'i be sy - --------------------------------------------------------------------- ni'o dy ze'i de'a viska lo kanla be sy .i ca bo sy kakne lo nu zenba lo ka surla .i ba bo dy di'a viska sy gi'e cusku pa'a lu .i'a sai mi curmi lo nu do troci co binxo lo cmima be la nicte cadzu .i .e'u nai sai lo pruce cu clani je nandu .i ji'a pu lo nu ca'a co'a cilre tu'a mi'a vau do bilga lo nu cilre fi la lojban li'u .i la susan poi pu zi co'a gleki simsa cu cusku pa'a lu la lojban mo li'u ju'e lu bangu .i xu do pu'i pilno la internet to'i sy tugni desku lo stedu toi .i xamgu .i ko sisku la lojban se pi'o .i bu li'u ju'e lu .ua nai ma mukti li'u ju'e lu .u'i nai lo crida na kakne lo nu jimpe ja cusku bau la lojban li'u ju'e lu mi ba troci .i to'i cmalu denpa toi .i .y. lo crida cu kakne lo nu tavla xu li'u ju'e lu .u'i lo crida poi do pu viska cu na go'i .i ri cilce danlu simsa .i se ki'u bo na mutce pensi .i ku'i so'i klesi be lo crida cu zasti .i ji'a so'o ri cu tcetce mencre li'u ni'o la deivid cusku pa'a lu ta'o nai do zifre lo nu tavla lo drata ke lojbo prenu .i ku'i .e'u nai lo nu da'i do cusku tu'a la nicte cadzu ra cu krinu lo nu da'i do ba no roi tavla la nicte cadzu .i xu do jimpe li'u ju'e lu go'i li'u ju'e lu xamgu .i ji'a do nitcu lo nu jimpe di'e .i la nicte cadzu cu nitcu tu'a so'i jibri .i lo nu crida kalte cu pa fi'u so'i mei pagbu po'o .i ku'i .e'u nai sai lo nu do crida kalte binxo cu rinka lo nu do joi pa crida ba se fatri lo ruxse'i be do .e lo menli be do .i la nicte cadzu cu ro roi se sidju lo crida poi jamna lo crida poi simsa le crida poi troci lo nu catra do .i lo nu crida kalte cu na frili li'u ni'o la susan simlu lo ka terpa .i ku'i cusku pa'a lu mi kakne lo nu troci po'o li'u .i za'a la deivid gleki la'e di'u .i ca zi bo lo cidja cu tolcliva .i sy jo'u dy citka gi'e casnu lo na mutce vajni .i sy co'a nelci dy ca'o lo nu sanmi .i sy kucli lo nu pendo binxo .a'o - --------------------------------------------------------------------- ni'o pa pi mu mo'o nu cilre .i dei skicu lo skami seltcana nu casnu ve cu'u la'o zoi #lojban zoi po la irk .i la'a cizra simsa .i la susan pilno la irk di'i so'a djedi .i ku'i jarco lo cinri casnu po'o .i ji'a vimcu so'o selsku le dei vreji mu'i lo nu na cinri gi'a na srana coi coi susan do mo yyy troci lo cilre lojban i y tavla lojban po'o pe'u mi djisku lu troci lo nu cilre la lojban li'u ki'e do xu do djica lo nu mi cusku fi do bau la lojban po'o y denba tugni .u'i ru'e stidi zo go'e poi simsa zo go'i ki'e .i yyy mi pensi jimpe stidi lu pe'i mi jimpe li'u oi nandu coi ro do coi broca do mo mi pu zi tcidu lo cukta poi skicu lo gerna be la gliban .i mutce cinri .i ku'i nandu .ii .oi ro'e sai coi susan .i do terpa ma la susan pu spuda lo nu mi'o cusku fi sy bau la lojban po'o .i ku'i cnino cilre .ua .io sai doi susan xu do terpa lo mi barda jufra .oi mi na jimpe .i mi cortu lo stedu .i co'o co'o co'o ni'o balvi lo jeftu be li ji'i pa coi ro do xu do tirna coi norsmu la pu makfa da'i re'i la susan y makfa ki'a #lojban> ny: mo'a milxe cadzu yyy ki'a sai coi mi y ma mukti cu do rinsa do la norsmu xu do tirna mi mi bredi .ua nai du bredi ma doi co'e coi susan .i xu do djuno lo du'u la norsmu cu zmiku gi'e nai remna .oi sai .i mi na djuno .i mi ca tatpi .i co'o ro do ni'o balvi lo jeftu be li ji'i ci coi ro do coi susan do mo coi susan mi sai tatpi .i mi pu clani gunka .e'u mi mutce tatpi zo sai cu se lidne lo valsi poi ra srana .i ji'a ko pilno lo re moi te bridi be zo tatpi coi ro do coi xod do mo mi xebni la buc xu lo cnino mukti cu zasti je'e .i xu lu mi tatpi sai lo nu mi clani gunka li'u go'i .i la buc pu zi sfasa lo to'e gunka poi pante la ual mart doi sy mi stidi zo ze'u .o nai zo za'o .e nai bo zo clani ki'e xod .i xu lu mi mutce tatpi lo nu za'o gunka li'u cu drani go'i la buc ki'a la buc cu nolraitru lo merko gugde y lo merko gugde na nolraitru ponse mi pe'i zo mi na sarcu .i zo pe'i ro roi srana do la buc na je'u nolraitru .i ku'i tarti simsa lo nolraitru .u'i doi susan lo nu ciksi la lojban do bau la lojban cu nandu .i ma mukti lo nu do djica le go'i .oi sai le mi stedu cu cortu mutce pluja .u'i sai mi pu xusra y .ua mi jimpe .u'i mi djica lo nu sutra cilre la lojban ma mukti mi djuno lo prenu nelci la lojban mi stidi zo poi .i lu la lojban li'u cu pu srana lo ci moi se bridi be zo djuno .i li'a sai do na djica ma cmene le prenu .oi mi sipna nitcu .i co'o ni'o balvi lo masti be li ji'i pa coi ro do .i do mo coi susan fenki mo .oi mi na nelci la norsmu ma krinu ba ca'o brode ri pu cfipu mi .i xu do nelci la norsmu .u'i go'i mi .i xu melbi ma mukti mi finti la norsmu .u'u mi y xenru lo nu mi mabla - --------------------------------------------------------------------- na nabmi .i la norsmu cu ja'a cfipu .i ny na troci lo nu cusku lo se kakne se jimpe .i ku'i lo nu troci co jimpe ny cu la'a mutce sidju lo nu cilre .ue coi norpan do pu no roi tavla doi norpan xu do tirna ko pilno zo jundi .e nai zo tirna coi tal .i ma krinu xu do tirna lo selsku be la irk se pi'o lo kerlo be do na go'i la'e di'u krinu je'e mi jimpe .u'i xu do di'i nitcu lo nu ciksi fi do fe lo nu do jimpe y ki'a zo je'e lidne lo cmene be lo te cusku poi do djica lo nu djuno lo du'u do jimpe .i do pu cusku lu je'e mi li'u yyyy mi krici jimpe .i ku'i le stedu be mi ca cortu .i co'o ro do co'o susan ni'o balvi lo masti be li ji'i re coi ro do do mo coi susan mi tadni do tadni ma lo citri .i mi cuxna lo citri xe ctuca poi ne sarcu .a'u ru'e citri ma lo mutce purci misro .i mi bilga lo nu tadni so'o xe ctuca poi na srana lo ralju se tadni be mi .i ji'a mi ro roi cinri lo pu zu misro je'e .i do ralju tadni ma lo bangu saske .u'i .i se ni'i bo mi na jimpe lo du'u ma kau mukti lo nu do tadni la lojban .i je'u nai zo'o .u'i mi tadni la lojban te zu'e lo nu fanza lo ctuca be mi .u'i sai mi ji'a stidi lo nu do di'i xusra lo si'o tu'a la sapir.uorf cu prane .u'i .i ji'a sai ki'u lo nu da'i la'e di'u na banzu cu stidi fa mi di'e .i do xusra lo nu do finti lo samselpla poi prane jimpe la gliban gi'e djica lo nu sy gubni binxo se pi'o la .ueb. gi'e ku'i do pu'o nelci lo tarmi be lo te pruce .u'i sai .u'i sai ta'o la'e lu tarci bu li'u cu sinxa lo sinvi selsku ve cu'u la .irk. doi susan do certu la lojban ki'e sai tal .i mi mutce gunka *broca* .i ji'a do bredi *susan* yy mi bredi ma *broca* da poi rinka lo nu do cilre la lojban .i .a'o xamgu funca *susan* y ki'e .i co'o broca *broca* xamgu lo nu do na spuda .i co'o susan - --------------------------------------------------------------------- ni'o pa pi xa mo'o nu cfari .i la susan ba zi lo ro moi skami nu casnu poi pu zi jarco cu pilno lo fonxa judri be la nicte cadzu .i ko'a spuda lo fonxa lu coi ma do tavla lo krati be la nicte cadzu .i mi sidju do ma li'u .i sy cusku lu .u'u ko zi denpa .i mi so'u roi pu bacru tavla la lojban .i yyy la susan lo nu vitke do'o li'u ju'e lu .ua coi susan .ui sai mi pu cilre so'i xamgu do .i sa'e do sutra cilre fi la lojban li'u ju'e lu y ga'i nai .u'u ku'i mi ca'o masno li'u ju'e lu ju'o do ba zi sutra tavla .i xu lo bavlamdjedi cu xamgu do li'u ju'e lu mutce xamgu li'u ni'o ji'a ko'a cusku lu xu do jimpe lo du'u lo nu do vitke mi'a cu cumki rinka lo nu do mrobi'o li'u ju'e lu y mrobi'o ki'a li'u ju'e lu morsi binxo li'u ju'e lu mi jimpe li'u ju'e lu .i ji'a lo nu do xrani mi'o cu ju'o rinka lo nu do mrobi'o li'u ju'e lu mi jimpe li'u ju'e lu xamgu li'u ni'o ko'a dunda lo judri .e lo tcika sy gi'e nu casnu kei sisti .i la susan djuno lo du'u lo cnino pagbu be lo za'i jmive cu ca cfari .i sy gleki gi'e ji'a tcetce xanka - --------------------------------------------------------------------- ni'o sai re mo'o nu cilre ni'o re pi pa mo'o nu viska .i ca lo vanci la susan ckire cusku fi lo vecnu be lo nu bevri be'o gi'e zgana lo sruri .i sy peisku lu .ua sai mi zvati la kalte jipno .i to'i sy catlu le judri toi le judri cu srana ba'e le bloti dinju po la kalte jipno li'u .i sy viska lo tolcitno sinxa poi kajde fi lo tilju ratni festi gi'e jarco lo judri .i pa nanmu cu ze'o cadzu ca lo nu sy zgana .i le nanmu cu cusku lu fi'i sai susan mi'e pal mi'o pu fonxa casnu li'u .i py rinsa sy lo nu xance jgari gi'e stidi lo nu nergau ni'o la susan cu se cfipu lo nu le dinju noi mutce barda cu li'a kunti .i ku'i vi ku sy zgana lo .ue sai re moi bitmu poi nenri .ue le bartu bitmu .i le nenri bitmu cu ve pixra lo kunti dinju .i lo stura cu mutce certu se zbasu ni'o sy te preti lo nu terpa lo tilju ratni festi .i py cmila gi'e cusku lu na zasti .i lo cmima pu zu finti lo vreji poi skicu ra li'u ju'e lu .ue sai y xu sfasa su'o da lo nu punji ra ti li'u ju'e lu na go'i .i .io lo finti cu jai gau simlu lo ka ba lo nu punji cu galfi fi lo te vimcu be lo gasnu li'u ju'e lu .ua mutce certu li'u ju'e lu mi tugni .i ku'i pu ku mi cmibi'o li'u ju'e lu .i ku'i ma mukti lo nu tcica gi'e nai fu'i terve'u lo dinju li'u ju'e lu mi'a mutce djica lo nu no da vitke li'u ju'e lu .u'i ru'e li'a sai li'u ni'o py nergau lo tolcitno je mudri vorme .i sy viska lo jinme nerklaji poi li'a citno .i lo nenri vorme cu jinme gi'e za'a tsali .i py pilno lo cmalu skami poi curmi lo nu nergau vau lo nu lo kanla .e lo voksa .e lo karda .e lo se batkyci'a se mipri cu mapti pa prenu ke datni vreji .i se mu'i bo sy cusku lu .ii so'i mei snura cipra .i do'o terpa ma li'u ju'e lu .u'i sai mi'a gasnu lo nu do cilre lo cizra bangu .i ku'i do xanka lo nergau skami xu sai li'u .i sy ze'i spaji gi'e ba cmila gi'e cusku lu .u'i .e'e nai na go'i .i ku'i do na spuda lo preti li'u .i py junri binxo gi'e kargau lo vorme gi'e cusku lu ba'e ma'a cu terpa so'i cai da li'u ni'o sy .e py nenri lo kumfa poi cmalu gi'e vasru lo jubme .e re ve tivni .i ri jarco lo bartu jvinu be lo vorme fa'u lo bolci te jivna .i py punji lo mutce clani kosta le jubme gi'e cusku lu mi bu'u gunka li'u .i se mu'i bo sy cusku lu .i do se jibri ma li'u ju'e lu mi jitro lo vorme .e lo jdini .e lo fonxa .e lo nu vitke .i ko pilno ti li'u .i py dunda lo barda ke re moi lenjo sy .i sy cusku lu mi na nitcu lo lenjo li'u .i py co'a se jadni lo simsa lenjo gi'e cusku lu ti sidju lo nu viska ge nai lo darno gi ne'i lo manku .i le dinju nenri cu mutce manku .i ta'o nai ko selyli'e li'u ni'o sy .e py nergau lo barda kumfa poi .ue nai mutce manku .i sy sumne so'i cidja pu zi lo nu lo barda ninmu poi dasni lo cidja zbasu taxfu .e lo manku lenjo cu cladu rinsa sy lu fi'i sai susan mi pu cilre so'i da do .i mi mutce gleki lo nu do troci co cmibi'o mi'a .i xu do xagji .i .ua .u'u sai mi mutce to'e clite .i mi'e djen .i mi zbasu lo cidja se va'u ro diklo citka li'u .i la djen cu mutce cladu je sutra tavla .i ku'i la'a ri di'i cisma gi'e za'a mamta simsa .i sy krici lo du'u ro lo .u'i citka cu mutce nelci la djen .i sy cusku lu mi gleki lo nu penmi do .i .u'u mi lo ka xanka cu dukse lo nu citka djica .i ku'i ki'e do li'u .i dy cusku lu ki'e do ji'a .i ko vitke ca lo nu do djica .i .u'u mi nitcu lo nu di'a jukpa li'u gi'e cliva - --------------------------------------------------------------------- ni'o la pal xance jarco le nu citka vau kumfa gi'e cusku lu vorme ti so'a kumfa li'u .i sy cusku lu ta'a pal ma krinu mu'o li'u ju'e lu so'a roi ku su'o so'o kalte cu zvati .i .io so'i cai roi citka .i se ni'i bo da poi zekri pagre le rinsa kumfa cu bilga lo nu bu'u damba pu lo nu nergau lo vajni kumfa li'u .i je'u sy zgana lo to'e plana ninmu poi citka lo tansi titnanba poi klani zmadu ro da poi sy pu viska .i lo nu citka cu cizra cinri sy .i ku'i py cmila gi'e cusku lu ko na jikca to'e vrude catlu .i lo kalte cu ro roi nitcu lo nu barda citka li'u ni'o py ve'a cadzu gi'e cusku lu ta'o nai ti vorme lo makfa ritli kumfa li'u .i lasna le vorme lo papri poi se prina lu ca ca'a ritli .i KO MaLGLETu NA'E NERGau li'u .i ji'a sy zgana re lo pixra be lo skina prenu poi cpana ro lamji ke bitmu pagbu be le vorme .i ji'a sy tirna lo smaji se cmoni poi se krasi le ritli kumfa .i sy te preti ro pu zi se skicu .i py cusku lu le papri cu jalge lo nu ti pu kalri binxo ca'o lo ritli .i la'e di'u rinka lo nu la .reitcel. ze'i menli se jitro pa la daspo fekcrida li'u ju'e lu ta'a pal fekcrida ki'a mu'o li'u ju'e lu .u'u .i so'o klesi be lo crida cu zasti .i lo crida poi mi'a damba cu se cmene zo fekcrida mi'a .i ki'u bo lo nu da viska lo cmima be pa lo so'o klesi be la fekcrida cu la'a rinka lo nu da fenki binxo .i ji'a ra'u nai la fekcrida cu mulno lo ka menli frica lo remna .i lo ni frica cu banzu lo ka di'i fenki simlu .i bi'u la daspo fekcrida cu troci lo nu daspo ro drata prenu .i ku'i la sepli fekcrida noi djica lo nu sepli ro drata prenu cu xebni la daspo fekcrida .i se ki'u bo ra sidju mi'a .i ta'o nai la .reitcel. cu se jitro binxo .i se ri'a bo lo tarbi be ry cu se daspo .i ji'a ry ca na ferti .i ta'o mi'a krici lo nu la bi'u nai fekcrida cu djuno lo du'u ri ba zi mrobi'o .i se ki'u bo ri troci lo nu daspo ro da poi ri kakne li'u ni'o la pal badri bacru gi'e cusku lu mi'a na nelci co tavla fi la'e di'u .i ta'o nai pu la'e de'u ry fadni remna gi'e na djica lo nu binxo lo blupinxe .i ku'i la'e de'u cu mukti lo nu ry galfi lo se jdice .i ba zu ku ry ca ralju je jatna kalte .i ji'a ry galfi le papri noi pu na vasru lu malgletu li'u gi'e kajde lo nu catra da poi na jundi ri li'u ju'e lu .ii sai .y. .u'u blupinxe ki'a li'u .i py se viska ckaji lo ka spaji gi'e cusku lu pinxe lo ciblu .i li'a la deivid na ciksi .i ro kalte cu blupinxe .i la'e di'u cu mukti lo pixra be la .belas. .lugosis. poi do pu zgana .i la belas lugosis cu traji lo ka xamgu ke xanri blupinxe vau fo ro remna .i .u'i mi na troci lo nu terpa rinka .i la nicte cadzu cu rinka lo ranmi be lo blupinxe .i ku'i pi so'e ranmi cu na drani .i ra'u ba'e na ku lo kalte cu nitcu lo nu ciblu pinxe .i zo blupinxe cu xajmi .i ji'a lo solri na mrobi'o rinka .i .e'u mi jarco lo drata pagbu be le dinju gi'e ba bo ciksi li'u ju'e lu xamgu .i ta'o xu la fekcrida cu cmoni li'u ju'e lu go'i .i la stefen ca ritli makfa dapma lo ve xumjimcelxa'i lo nu xrani la fekcrida li'u ju'e lu .oi xumjimcelxa'i ki'a sai li'u ju'e lu lo xarci poi cecla lo jinme lo xukmi .i ro pulji cu bevri lo cmalu xumjimcelxa'i li'u ju'e lu .ua mi jimpe .i mi'o ca klama ma li'u ju'e lu le cukta kumfa li'u - --------------------------------------------------------------------- ni'o py cadzu co lidne sy fa'a lo melbi mudri vorme .i py kargau le vorme .i sy viska lo kumfa poi culno ru'e loi so'i sai cukta .i so'o cukta cu tcetce tolcitno .i ku'i cnici lo ka zvati .i lo kajna be lo cukta cu se tcita ge so'i da lo srana be so'o cukta cnici ciste gi ji'a lo cukta ke se srana klesi .i sy viska lo kumfa pagbu poi srana lo nu jitro la fekcrida gi'e pilno lo makfa gi'e kurji lo xumjimcelxa'i .i ba zi ku lo ninmu cu klama ti lo trixe be lo kajna gi'e cusku lu fi'i sai susan mi'e dalton mi kurji lo diklo cukta .i xu do ze'a vitke .i xu do djica lo tcati li'u .i pu lo nu sy ka'e spuda kei py cusku lu na go'i .i mi'a nitcu lo nu vitke ro dinju pagbu .i do'a ma cinri li'u .i la dalton mutce cisma gi'e cusku lu .ui sai ji'i pa xadba be lo cukta cu se vreji fo lo skami .i ji'a ti .e la .aleksandrias. cu ponse lo nurfu'i be ro datni li'u ju'e lu .ui sai ko ca'o xamgu gunka .i se ga'a le flira be sy lo nu sy ba za'u roi vitke cu nalspaji mi li'u .i sy .e py tolrinsa cusku gi'e cliva ni'o py jarco fi sy fe lo vorme be lo barda ke ckana kumfa .i ku'i na nergau .i ki'u bo lo nu so'e kalte ca sipna .i py ciksi fo lo du'u so'i kalte cu zmanei lo nu xabju ti mu'i lo nu na nitcu co ciksi lo cizra se gasnu je fasnu .i za'u re'u ku py jarco fi sy fe lo dabytadji kumfa .i ku'i vasru fu'e po'o lo matci .e lo xance xarci .i py ciksi fo lo du'u lo kalte so'a roi pilno lo xarci mu'i lo nu so'a fekycrida cu mutce tsali .i ri'a la'e di'u lo nu damba se pi'o lo xadni po'o cu mutce ckape ni'o py cusku lu .i lo ro moi cinri kumfa cu xumjimcelxa'i rapcreze'a kumfa li'u .i lo ninmu poi frili bevri lo rajyserti gi'e dasni lo tutci ke betfu skori cu cusku lu zo'o ko troci lo nu ci roi sutra cusku le pu selbri li'u .i py cusku lu coi .rut.an. ti no'u la .susan. cu cnino ke cmima troci li'u ju'e lu coi .susan. ko fraxu mi lo nu na stali gi'e tavla .i ku'i mi bilga lo nu cikre lo spofu te gusni .i ji'a la .stefen. di'i je ca se nabmi fi lo skami .i co'o re do li'u .i ca lo nu tavla vau la .rut.an. na jdika lo nilsutra .i py milxe cmila gi'e cusku lu .io ta mutce kurji le jibri li'u gi'e di'a cadzu ni'o le xumjimcelxa'i rapcreze'a kumfa cu vasru pa remna noi ninmu gi'e ca ca'a rapcreze'a pa xumjimcelxa'i .i ri barda gi'e cladu .i ji'a le ninmu cu mutce certu .i ba za bo le ninmu cu sisti lo nu rapcreze'a kei gi'e rinsa sy .e py se cu'u lu coi pal coi susan mi'e .reitcel. mi xenru lo jvinu be mi .i ku'i mi pu zi cikna binxo .i mi kurji tu'a lo xumjimcelxa'i ne'i ti .i ti'e do djica lo nu binxo lo kalte .i lo nu da'i go'i cu ba se sarcu lo nu do so'i sai roi pilno le bu'u kumfa li'u .i sy milxe cisma gi'e cusku lu mi ca'a djica .i mi cinmo kakne lo nu tadni lo xumjimcelxa'i .i ku'i .u'u mi na pu pilno li'u ju'e lu na vajni .i la'a mi ba nelci lo nu ctuca do .i ku'i ca ku .e'u ma'a xruti le sanmi kumfa .i lo drata kalte ba zi cikna binxo li'u - --------------------------------------------------------------------- ni'o re pi re mo'o nu penmi lo kalte ni'o loi ci prenu cu casnu lo na vajni ca'o lo nu xruti le sanmi kumfa .i py cusku lu mi'a ro roi cuxna pa gidva be lo cnino .i la deivid cpedu lo nu gidva do .i mi'a tugni .i ku'i dy sipna .i .e'u do bu'u denpa .i ku'i ji'a .e'a do cliva gi'e ba za xruti li'u ju'e lu ki'e do mi stali gi'e penmi lo kalte li'u ju'e lu xamgu li'u ni'o ca lo nu co'i klama vau la .djen. za'u roi friti lo cidja sy .i sy cusku lu ki'e sai do .i lo tansi titnanba cu kukte simlu .i mi djica ri pe'u do li'u .i la djen cusku lu .ui ti mutce clite .i mi nelci .i mutce frica so'a do li'u .i ro vi remna cu cmila .i ba bo sy cusku lu doi .djen. mi kucli lo krinu be lo nu do pu za cusku zo citka .e na zo remna li'u ju'e lu pa mai so'i mi'a na krici lo du'u lo blupinxe cu remna .i re mai so'u na prenu cu bu'u xabju .i je'u pa ri klama ti li'u ni'o lo cmalu je citno ke xekri gerku ja'a bajra fa'a dy .i sy zgana lo nu le flira be py cu na'e gleki binxo gi'e rivbi dy .i le gerku cu plipe lo birka be dy noi cmila gi'e satre gy gi'e cusku lu coi gys .iu xu do xagji .i xu do xagji .i mi smadi lo nu go'i .i .iu je'u .i .iu je'u li'u .i sy cusku lu mutce melbi .i ma se gerku la gys li'u gi'e ca bo? birka tcena fa'a gy .i py co'a kajde cusku ca lo nu gy se fanza bacru gi'e bartu vasxu lo .ue cai fagri poi sy troci co rivbi ke'a .i ku'i pa xance be sy cu milxe sai se xrani .i ji'a pa birka ke creka pagbu cu se daspo .i dy .e py .e lo drata ca te preti fi lo se du'u xu kau sy jursa xrani ni'o ca ro pu zi fasnu la susan viska la .gys. po'o gi'e sanli do'e lo tcena birka gi'e na spuda lo drata prenu .i la .gys. xanka punji le flira lo te polje be la djen .i ba zu bo sy smaji cusku lu .u'e sai la .gys. cupra lo fagri li'u ni'o ba bo ze'a curve lo ka smaji .i lo mutce barda je clani nanmu cu suksa ke cladu cmila gi'e cusku lu li'a cai la .gys. fagri cupra .i lo cnino cmima cu mutce certu lo nu zgana .u'i sai li'u .i la djen ba zi troci lo nu na cmila kei gi'e ku'i fliba .i sy ze'i ca'o manci catlu la .gys. .i ku'i sy suksa jimpe gi'e ji'a cmila .i se ki'u bo so'i drata cu cmila .i ku'i la pal fengu cusku lu na zdile .i ju'o sai ca da le gerku cu snuti catra lo remna li'u .i ku'i la'e di'u mukti lo nu po'o lo barda nanmu cu zenba cladu cmila .i la'e di'u krinu lo nu so'a prenu ku ji'a zenba cladu cmila ni'o ba zi bo lo nu cmila cu tolcfa .i lo barda nanmu cu pendo darxi sy gi'e cusku lu fi'i cnino do cinri gi'e zdile .i mi krici lo du'u do ba xamgu cmima binxo li'u gi'e cliva le kumfa .i sy cusku lu ma cmene ta li'u .i la djen cusku lu zo .axmed. .i li'a ri nelci do .i ku'i ca ku do selyli'e mi .i ri'a bo le do birka cu xrani li'u ju'e lu na go'i .i mi kanro li'u .i la djen milxe fengu binxo gi'e cusku lu mi .e nai do mikce ne'i ti .i do kanro ca lo nu mi jdice lo du'u do kanro .i ba'e na pu go'i li'u .i dy lacpu sy le xamgu birka .i py selyli'e gi'e cisma ni'o lo xrani cikre kumfa cu lamji le sanmi kumfa pa'a so'a drata kumfa .i le kumfa cu jinsa gi'e blabi .i dy minde sy lo nu zutse lo jubme to sy ro roi kucli lo mukti be lo nu lo mikce na sabju lo stizu toi kei gi'e catlu le birka gi'e xusra lo du'u lo fagri xrani cu na jursa gi'e ku'i nitcu lo ve mikce .i dy ze'a facki lo rigni se sumne pesxu gi'e punji ri le birka .i .ue le pesxu cu sutra sidju .i preti lo se marji sy dy .i dy cusku lu lo cortu jdika xukmi .e lo punli jdika xukmi .e lo makfa litki poi zenba lo nilsutra be lo nu cikre .i la .stefen. cu di'i zbasu ri .i zo'o ru'e ca'e do kanro li'u gi'e xendo cisma - --------------------------------------------------------------------- ni'o ca lo nu py .e sy xruti le sanmi kumfa vau la .reitcel. zutse ne'a le to'e plana ninmu noi ca co'u citka du'e tansi titnanba .i ry vitke cpedu muvgau lo xance fa'a le re mei .i ca lo nu tolcliva vau ry cusku lu ko vitke zutse .i doi sy ti se cmene zo .kim. li'u .i sy zutse to ca ku sy ganse lo ka milxe cortu be lo trixe gi'e ku'i to'e jursa .i se ki'u bo sy na frati toi gi'e cusku lu mi gleki lo nu penmi doi xagji zo'o li'u ju'e lu .u'i ro blupinxe cu mutce xagji .i je'u sai la .reitcel. pu zi cpedu pa re grasu jukpa sovda .e lo ni dasri xajre'u poi banzu lo nu zbasu pa culno xarju li'u ju'e lu .y. xu ry skicu lo se cpedu be fo lo simsa li'u ju'e lu .u'i sai go'i .i ry pu cusku lu da li'o .e pa xarju be te tai lo dasri xajre'u li'u .i se ki'u bo ro ti poi na du ry cu cmila .i ku'i lo drata cu cusku lu ma zdile li'u ni'o sy viska lo tcetce tordu nanmu poi klama le jubme .i sy krici lo du'u ti tordu bilma .i ba zi bo ti cinba ry noi cusku lu ti poi fenki cu cmila mi mu'i lo nu mi cpedu lo cidja poi banzu mi to ry se fanza viska lo drata toi ba'e .e do .o'o nai .i ko jai gau galfi fi lo banfi .a lo simsa li'u .i le tordu cu cusku lu do cidja cpedu se va'u mi .i .ui sai mi mutce xagji li'u .i se ki'u bo so'o ti ji'a cmila .i ca lo nu go'i vau ry na kakne lo nu cmila rivbi .i le tordu cu so'o roi cusku lu ma zdile li'u po'o ni'o ry cusku lu doi sy ko rinsa ti noi se cmene zo .stefen. .i ra mafpre gi'e kalte .i ku'i mi na djuno lo tadji be lo nu sy ka'e kalte da se pi'o lo tordu tuple li'u .i la .susan. cu to'e clite se spaji .i ku'i la .stefen. cu prami cisma gi'e cusku lu .i mi na djuno lo tadji be lo nu do na ru'i stedu darxi lo vorme bargu .i ta'o nai coi .susan. mi gleki lo nu penmi do .i za'a re diklo cmima cu se cmene srana zo sy .i mi ro roi nelci lo ropno sance favytcini be le cmene be mi be'o no'u zo .ctefan. .i se ki'u bo mi stidi zo cy to'i ro drata cu tugni toi .i ji'a zo dy po'o jai javni .i la .djen. fa'u la .deivid. fa'u la .dalton. fa'u la .rut. .an. se tcita zo dy fa'u zo vy fa'u zo gy fa'u lu ry .a bu li'u li'u .i sy cusku lu xu la dj .y. si si dy cu cmima ze'a da poi zmadu .y. vy .e gy li'u .i la .kim. cusku lu .i je go'i .i je da zmadu lo cmima ni temci be ro diklo cmima li'u ni'o lo barda sanmi po cy .e ry cu bu'u se dunda dy noi cusku lu .u'i mi dunda lo mulno xarju do li'u gi'e selfu ke midju polgau .i lo nu dy noi mutce plana cu midju polgau cu spaji banli .i ro jibni cu cisma .i ji'a ry sanli gi'e skaci ke midju polgau se pi'o lo xanri skaci gi'e ckire cuksu fi dy ni'o la .axmed. .e la .deivid. ba zi vitke le mintu jubme .i le re mei cu se xasne .i ky ciksi lo du'u ge dy .e .a bu cu nelci lo nu dabytadji rapcreze'a co'a cikna binxo gi lo drata cmima cu zo'o krici lo du'u le re mei cu menli bilma .i dy .e .a bu rinsa sy .i dy cusku lu .uo nai doi .susan. lo nu do cilre so'i da cu sarcu .i pa mai do nitcu lo nu jdice ma kau poi tadji be lo nu do ba xabju gi'e gunka .i ro lanzyki'i .e ro pendo be do cu se ckape co'a lo temci mokca be lo nu do pu nerkla le bu'u dinju .i lo nu da'i la'e di'u mukti do cu bilga lo nu do ca cliva .i ku'i mi kanpe lo nu do na se spaji .i sa'e nai re tadji cu zasti .i le pa moi tadji zo'u lo nu do drata gunka gi'e vitke lo se prami be do gi'e simsa zukte cu ranji .i ji'a do troci lo nu fadni tarti kei gi'e pacna lo nu lo bradi na facki fi do .e lo se prami .i le re moi tadji zo'u do ca ca'a sepli ro se prami .e lo jibri .e lo simsa gi'e xabju ti .i le pa moi cu xamgu la nicte cadzu lo ka sidju ge lo nu ma'a ca'o jundi lo fadni remna je fasnu gi lo nu do funca zgana tu'a lo bradi .i ku'iji'a le pa moi cu zmadu fi lo ka ckape lo se prami gi'e nandu .i .u'u ko jdice pu lo nu mi co'a ctuca do .i ku'i do zifre lo nu ze'u pensi .i ta'o lo na'e kalte cmima cu so'a roi kansa xabju .i ta'o ca ku da'a pa kalte cu kansa xabju .i mi sepli xabju li'u - --------------------------------------------------------------------- ni'o sy ze'i pensi gi'e cusku lu mi pu pensi la'e di'u .i mi se lanzu kansa so'u da .i ji'a mi na'e lanzu prami no da .i ji'a mi se pendo so'u da .i ku'i mi nelci le jibri .i lo nu do djica tu'a lo sepli xabju cu ji'a mukti lo nu mi jdice lo nu ca'o se jibri je xabju le slabu li'u ni'o la .deivid. cusku lu xamgu .i sy nitcu lo nu jmina djuno ma li'u .i py cusku lu mi ctuca fo le kumfa .e le prenu .e lo pagbu poi na srana lo blupinxe .i ku'i mi stidi lo sampu ke jmina skicu be lo blupinxe .e lo makfa .i doi sy .y. si cy ko ctuca li'u ni'o cy cusku lu vi'o py doi sy pu zu cai ku la daspo fekcrida cu facki lo ji'i pa moi se sevzi je sanji remna gi'e co'a gunta .i le jai? daspo cu djica lo nu daspo ro drata prenu .i no remna cu ka'e jimpe lo mukti be la'e di'u .i lo menli be la fekcrida cu to'i denpa toi ba'e frica lo remna menli .i ro remna poi mutce troci lo nu jimpe lo menli be la fekcrida cu fenki binxo .i ku'i lo dukti cu ji'a jetnu .i so'i remna poi sanji dy fy cu krici lo du'u dy fy xebni lo drata prenu mu'i lo nu tcetce menli frica .i ku'i na vajni ni'o lo jai daspo cu tolcliva .i ca zi bo la sepli fekcrida cu ji'a vitke le terdi .i la sepli fekcrida cu no'e nelci lo drata prenu .i ku'i na djica lo nu daspo .i ji'a xebni dy fy .i ku'i na djica lo nu mrobi'o .i se ki'u bo sy fy friti lo nu sidju lo purci cai remna .i le te bilga poi la'e di'u mukti cu krasi lo blupinxe .i lo blupinxe cu remna gi'e ku'i ro roi menli se vitke pa sy fy .i ri rinka lo nu lo blupinxe cu tsali gi'e manku viska gi'e nitcu pi so'u nu sipna kei gi'e zenba lo nijmive faurtei .i ku'i lo blupinxe cu no roi mulno sepli gi'e ro roi tirna lo se peisku be lo crida poi xabju lo cizra cimde canlu .i so'i me'i ro blupinxe cu fenki binxo .i ku'i lo remna cu na banzu lo ka tsali kei se cau sy fy .i ji'a lo remna cu na ka'e pilno lo makfa kei se cau sy fy .i ku'i ro la fekcrida cu kakne .i se cau sy dy la fekcrida cu ka'e makfa jitro lo remna menli li'u .i ry fengu cusku lu ko krici la'e di'u .i mi pu lifri li'u .i cy di'a cusku lu .i se ki'u bo ro kalte po la nicte cadzu cu blupinxe .i lo nu da'i do binxo lo kalte be la fekcrida cu nibli lo nu do blupinxe binxo .i xu do terpa li'u ni'o sy ze'a pensi gi'e cusku lu mi milxe terpa .i ku'i mi milxe certu lo ka catlu le menli be mi .i ji'a mi na kakne lo nu binxo co bredi lo nu se vitke sy fy .i se ki'u bo lo nu terpa cu na terplika'e? li'u .i se mu'i bo la .axmed. cu smaji cmila gi'e cusku lu doi vy do facki lo mutce xamgu cmibi'o li'u .i cy cusku lu go'i .i ku'i mi terpa lo dukse ni jgira li'u .i dy cusku lu .i ku'i na srana .i sy bu'u zvati .i mi'o na djuno pu lo nu ba'o troci li'u .i ro diklo cu tugni cusku ni'o dy cusku lu doi sy ma tcika lo nu do zifre lo nu tadni li'u .i sy cuksu lu mi ka'e jibri gunka ti'u li re re bi'o no ci .i ba bo tadni ze'a lo cacra be li ji'i mu .i xu la'e di'u cu banzu li'u ju'e lu go'i .i xu do bredi tu'a lo cabycte li'u ju'e lu go'i li'u ju'e lu .ui ko xruti ba lo nu gunka .i doi py ko terve'u lo nu klama li'u ju'e lu .ua tu'a di'u cu rinka lo nu mi morji lo se kucli .i ma krasi lo so'i sai jdini poi la nicte cadzu cu ponse li'u .i py smaji cmila gi'e cusku lu ny cy ca'o zasti ze'u lo nanca be li ji'i pa no no no no gi'e zivle .i la'e di'u banzu li'u - --------------------------------------------------------------------- ni'o re pi ci mo'o nu cilre fi lo nu damba .i ca lo nu sy za'u re'u xruti le dinju kei py gidva sy tu'a dy noi nenri le xumjimcelxa'i rapcreze'a kumfa to cu'u py mi'a te cmene fi lu le cecla kumfa li'u ji'a toi gi'e cliva .i pa mai dy dunda fi sy lo cilmo staku gi'e minde sy lo nu jgari re pagbu be ri pa xance .i ca'o lo nu sudga binxo vau dy ciksi fo lo du'u le staku cu sarcu tu'a lo tarmi be lo ve jgari be lo cecla po sy .i sy se spaji lo nu zbasu lo xumjimcelxa'i poi se steci lo ka srana sy .i ku'i dy cusku gasnu lo nu sy za'u re'u sanji lo du'u ny cy tcetce ricfu .i dy cusku lo se du'u lo nu zbasu lo se steci xumjimcelxa'i cu nitcu lo jeftu be li ji'i re ni'o lo staku cu sudga binxo .i ba bo dy jarco fi sy fe pa na'e steci xumjimcelxa'i gi'e cusku lu ti se finti la bucmaster gi'e klesi se cmene lu cy pa mu py so ze sy li'u .i ku'i la taliesin jai gau galfi ri ta'i so'u da lo ba'e to'e flalu xarci li'u ju'e lu ta'a dy xu la taliesin cu mintu la taliesin poi mi cusku fi ri la .irk. li'u ju'e lu go'i .i ty sabji ro xumjimcelxa'i ny cy .i ji'a mi ba benji le staku po do ty .i ta'o nai lo nu da'i lo pulji cu zgana le cecla cu mukti lo nu do jarco ti li'u .i dy dunda pa cnebo jinsi jadni sy .i le jinsi cu jorne le cmalu ke solji jadni dacti poi ve pixra lo kanla joi lo kruvi ke lunra pagbu .i dy cusku lu ti makfa rinka lo nu bandu do la daspo fekcrida .i ji'a sinxa la nicte cadzu .i lo pulji cu sinma ti li'u ju'e lu ma mukti la'e di'u li'u ju'e lu .u'u mi na zifre lo nu ciksi ni'o xu do pu pilno lo xumjimcelxa'i li'u ju'e lu na go'i li'u ju'e lu .ui do na nitcu lo nu to'e cilre da .i le cecla klesi poi mi'o pilno cu zmadu lo fadni xumjimcelxa'i to ri srana ra'u lo xance cecla toi lo ka vlipa .i se ki'u bo so'i da poi pu pilno lo fadni cecla cu nitcu lo nu tolmorji lo pu se cilre li'u ni'o dy jarco tu'a lo cecla pagbu sy se cu'u lo'u ti poi cmalu cuxyvra cu le'u ju'e lu ta'a .deivid. ma se smuni zo cuxyvra li'u ju'e lu lu xy xi pa vraga lo nu cuxna fi xy xi re kei li'o li'u .i ti traji lo ka vajni kei fo lo ro xumjimcelxa'i pagbu .i lu lo celgunta cuxyvra li'u .a lu le curmi li'u cu cmene ti .i lo nu ti blabi cu sinxa lo nu na kakne lo nu celgunta .i lo nu ti xunre to'i dy ca pilno le curmi ja'e tu'a lo xunre toi cu sinxa lo nu do celgunta zifre to'i dy re re'u pilno le curmi toi .i ko ro roi bevri lo cecla do'e le blabi curmi .i ji'a ko ro roi catlu le curmi ca lo nu do co'a bevri lo cecla gi'a djica lo nu celgunta .i bi'u ti to'i dy jarco lo skuro .e lo jesni toi farna facki tutci .i ji'a lu le facki li'u ji'a cmene ti mi'a .i do pilno le facki lo nu sidju lo nu xrani lo bradi vau ta'i lo nu viska lo linji be le jesni bi'o le skuro bi'o lo bradi .i bi'u ti to la'a do djuno toi se lacpu tutci gi'e rinka lo nu celgunta vau ri'a lo nu do lacpu ti .i xu do ca jimpe li'u ju'e lu go'i li'u ju'e lu xamgu .i ko celgunta lo va rapcreze'a papri li'u ni'o sy muvgau le cecla lo jibni be pa kanla .i .ue sai pu lo nu sy celgunta vau dy darxi le stedu be sy gi'e cusku lu da'i do mrobi'o .i do pu na catlu le curmi .i se ki'u bo da'i ca'o lo nu do se cfipu lo nu na celgunta vau lo bradi cu klama je catra do li'u ju'e lu .u'u do drani .i xu do curmi lo nu mi za'u re'u troci li'u ju'e lu li'a sai mi'o nenri lo repcreze'a kumfa .i se ki'u bo .u'i mi pavypa'a lo nu do jai rapli fai lo nu celgunta vau li so'i sai li'u .i sy tugni spuda gi'e catlu le curmi gi'e pilno ri gi'e muvgau le cecla lo jibni be pa kanla gi'e lacpu le xumjicelxa'i se lacpu tutci .i lo munje po sy curve lo ka cladu ni'o lu do jukpa ma doi .djen. li'u se cusku la .susan. .i dy cusku lu lo jipci li'u gi'e dunda fi sy pa botpi be lo sluji surla rinka xumki .i sy cmila gi'e cusku lu ta'i ma do djuno li'u .i dy cusku lu doi verba mi ze'u sai bu'u mikce .i je ro remna poi pa re'u pilno lo brabra dacti poi mi'o te cmene ke'a zo xumjimcelxa'i cu cortu lo janco .i mi ba zi dunda lo jipci li'u - --------------------------------------------------------------------- ni'o sy cusku fi vy no'u la .deivid. fe lu .oi do pu kakne lo nu jdegau mi tu'a le janco .i mi ba ze'u se xrani fo lo ka skapi ciblu li'u ju'e lu pau nai da'i lo nu mi jdegau fi do cu mukti lo nu do gasnu ma poi frica .i da'i do to'e surla binxo .i do ba rapcreze'a ze'u lo jeftu be li so'o ba'o lo nu do ji'a surla pa'a le pu zi pa moi krefu .i ku'i lo nu do pa roi surla pilno lo xumjimcelxa'i cu rinka lo nu do jimpe le te zukte li'u ju'e lu .oi .e'e nai mi jimpe .i ku'i lo nu do dunda lo kerlo bandu ba'e pu le pa moi rapli cu da'i te xendo li'u .i dy dunda lo jipci .i sy xagji citka gi'e ckire cusku .i vy cuksu lu xu do zmanei lo nu pa re'u lifri lo xumjimcelxa'i cladu ca lo nu damba li'u .i sy de'a lo nu moklu maxra gi'e catlu vy gi'e na'e gleki cusku lu la'a na go'i li'u ni'o ba bo sy mo'u citka .i vy cusku lu xu do tatpi li'u ju'e lu na mutce go'i li'u ju'e lu .i'a xu do djica lo nu co'a cilre lo dabytadji .i .e'u nai la'a ba xrani do fo lo ji'a skapi ciblu li'u ju'e lu .ue cai zo'o do mi kurji gi'e kajde .i zo'o nai mi ca ponse pa barda ke skapi ciblu .i lo cnino cu na mutce vajni .i go'a li'u ni'o le dabytadji kumfa cu vasru la .axmed. po'o .i ri rapcreze'a lo dabytadji fo tu'a lo mutce barda ke kruvi cladakxa'i .i sy cusku lu .io sai xu la .axmed. pilno lo simsa cladakxa'i lo nu kalte li'u .i vy cusku lu go'i .i .a bu bevri ra re'o lo trixe .i ti'e .a bu boi pa roi katna lo bongu remsmimi'i re xadba li'u .i .a bu cusku lu re roi .i .u'i mutce barda cladakxa'i li'u .i sy cusku lu .y. lo bongu remsmimi'i cu mo li'u .i vy cusku lu minji gi'e jvinu simsa lo remna gi'e ku'i marji lo bongu po'o .i ra clani lo re si'e lo ni lo remna cu clani li'u ni'o vy cusku lu .i ku'i do ca na pilno lo xarci .i ko cilre fi lo nu farlu .i ro lo ny cy remna cu farlu cilre .i ji'a ro ra xebni lo nu go'i .i ku'i sarcu .i lo nu certu lo ka farlu cu mutce se nelci li'u ju'e lu .y. mi ca djuno fi lo nu farlu li'u .i vy na'e se zdile cisma gi'e cusku lu roda simsa cusku .i to'i cladu zmadu toi doi .axmed. xu do bredi li'u .i .a bu cusku lu go'i li'u ni'o sy se spaji lo nu vy klama gi'e se gunta vau .a bu .i sy birti lo du'u .a bu curve troci lo nu darxi vy le cladakxa'i .i ji'a sy birti lo du'u da'i lo nu .a bu snada cu rinka lo nu vy mutce jursa se xrani .i ku'i .a bu na snada .i vy boi ro roi lo nu .a bu muvgau le cladakxa'i cu sezmuvgau to'o ri .i so'i roi ku vy korcu sfubu ja gunro le loldi ni'a le cladakxa'i .i so'i roi ku vy plipe sfubu ga'u le cladakxa'i .i ro roi ku lo pa moi te pencu be le loldi bei vy cu na'e jamfu .i se ki'u bo sy tugni fi lo du'u vy boi ro roi farlu .i ku'i na simsa lo nu farlu poi sy pu zgana gi'a lifri .i .io sai sy te simlu lo ka vy boi ro roi pencu le loldi lo drata xadni pagbu .i sy peisku lu .ua mi pu na djuno lo du'u lo remna cu kakne lo nu farlu fi'o se cpana lo stedu gi'e rivbi lo nu se xrani binxo li'u ni'o vy ca lo nu vy ba'o rivbi le cladakxa'i cu co'a ctuca sy fo lo nu farlu .i ku'i sy pu'o certu .i se ri'a bo so'i roi milxe se xrani binxo .i ku'i sy krici lo nu cilre so'i da .i sy jo'u vy ba lo nu farlu rapcreze'a cu za'u re'u citka .i sy citka lo cmalu po'o .i ku'i vy citka lo ba'u mulno xarju .i sy ba lo nu cikta cu klama le zdani gi'e sipna - --------------------------------------------------------------------- ni'o re pi vo mo'o nu damba .i ze'u lo jeftu be li ji'i ze sy rapcreze'a lo xumjimcelxa'i .e lo dabytadji .i ku'i sy ca lo djedi poi sy bilga lo nu jibri gunka cu mutce tatpi binxo .i la .djen. zgana la'e di'u .i se ki'u bo dy dunda lo ve mikce xukmi sy .i dy ciksi cusku lu ti xukmrmodafinili .i xy sidju lo nu do se frili lo nu ca'o cikna .i ji'a xy pi so'u roi rinka da poi xlali li'u .i ba bo lo cnino cuntu be sy cu zenba lo ka frili ni'o ba lo jeftu vy jdice lo du'u lo ni sy certu cu banzu lo nu na ju'o gasnu lo nu lo kalte cu mrobi'o .i se ki'u bo vy friti lo nu pa re'u kalte fi'o kansa so'o drata kalte .i .ui sai sy tugni .i vy .e sy nenri le citka kumfa .i sy ca citka lo -pomegranite-? poi sy mutce nelci .i lo xunre litki cu ru'u cpana le xance be sy .i vy cisma gi'e cusku lu la'a mi'o na kalte ca le cabdei .i mi'o denpa lo nu la .kim. facki lo fekcrida poi jibni li'u .i ku'i ca zi bo ky nergau le citka kumfa gi'e cusku lu mi facki li'u .i vy cusku lu ma klesi li'u .i ky terpa sevzi jgari gi'e cusku lu la ctino li'u .i ro da poi nenri le kumfa cu smaji binxo to sa'e ro da poi na fagri gerku .i la .gys. mutce gleki lo nu ba zi citka lo bakni rectu toi .i sy te preti cusku lu ma nabmi li'u .i vy cusku lu la ctino cu mucti .i ro roi troci lo nu jivgau lo remna lo nu gasnu lo palci .e lo daspo .i lo nu daspo la ctino cu nandu .i ji'a ra'u lo nu troci cu so'a roi se badri ja se terpa .i mi pu curmi lo nu do sidju .i ku'i mi na stidi lo nu do pa re'u kalte cu nu kalte lo ctino li'u .i ca bo la .stefen. cu nergau gi'e cusku lu .i ku'i lo nu kalte la ctino cu xamgu cipra lo ni sy djica lo nu kalte li'u .i la .stefen. no'u cy bevri lo clani je mudri grana .i ri se jadni so'i jemna .a so'i bongu .i sy smadi tu'a lo makfa grana ni'o sy co'a zgana lo nu so'a diklo prenu cu catlu sy .i se mu'i bo cusku lu mi bredi li'u .i vy cusku lu .i'a ko dasni lo xekri gi'e ca'o se jadni lo lenjo .i mi'o cliva ba zi lo mentu be li pa no li'u .i sy ca'o lo nu cliva le kumfa cu zgana lo nu ky badri catlu sy vau .ii ru'e ni'o sy penmi la .kim. joi la .stefen. joi la .deivid. joi la .reitcel. re'o lo barda xekri karce .i sy cusku lu xu la .axmed. joi mi'o kalte li'u .i la .deivid. no'u vy cusku lu na go'i .i .a bu ca cunso litru le tcadu .i ta'o mi pu facki do ta'i lo nu mi go'i li'u .i ro le kalte cu bevri lo xumjimcelxa'i to ri po sy pu za lo jeftu be li ci cu se mrilu tolcliva toi .i cy bevri ra .e lo clani xekri tanxe jo'u le grana noi sy pu viska .i vy cusku lu cy ralju makfa prenu gi'e barda ralju xumjimcelxa'i certu li'u .i cy spuda cusku lu .oi du'e mei se fuzme lo mutce cmalu nanmu .i zo'o li'u ni'o lo nu klama cu temci barda .i la .kim. no'u ky cu cusku lo se du'u la fekcrida cu diklo la -wealthy part of town- .i ca lo nu klama cu mo'a roi nu tavla .i sy noi xanka lo smaji cu preti cusku lu xu la ctino cu se terpa banzu lo nu ro do cu xanka morji ri li'u .i ku'i sy ca lo nu ro le drata cu cusku lu go'i li'u ca pa temci mokca cu ji'a co'u djica lo nu tavla .i ba bo le karce noi vy sazri si'u ky cu tolcliva lo zdani poi barda gi'e blabi .i ji'a sai sy ca ganse lo xlali .i ku'i sy na kakne lo nu skicu lo cinmo ni'o cy cusku lu doi .kim. xu ro xabju cu se jitro li'u ju'e lu na go'i li'u ju'e lu .ui ru'e mi zbasu lo makfa ke bandu djine .i ro ko punji lo na'e se jitro ne'i ra li'u .i vy cusku lu vi'o li'u gi'e xance minde lo nu jersi .i vo da goi ko'a nergau le zdani ca lo nu cy co'a rapli sanga se cu'u lu bandu gi'e jitro gi'e sepli li'u gi'e fargau lo silna - --------------------------------------------------------------------- ni'o lo pa moi kumfa poi ko'a nergau cu xamgu se gusni .i se ki'u bo sy zi facki gi'e pilno vau lo gusni cuxyvra .i le drata kalte cu ckire cusku .i le kumfa cu se vorme so'u da gi'e vasru lo serti .i vy ba lo sutra nu casnu kei stidi lo nu ko'a pilno le serti mu'i lo nu lo ckana kumfa cu la'a gapru .i sy ca lo nu serti pilno cu binxo lo ka mutce terpa .i sy jijnu lo du'u lo ka palci gi'e xebni cu sruri vo'a(?=sy) .i ku'i .a'o sy snada lo nu na bajra .i sy cusku lu mi'o klama fo lo drani li'u .i ky spaji catlu sy gi'e ku'i tugni jarco ni'o ko'a bu'u lo gapru be le serti be'o nerklaji cu troci tu'a lo pa moi vorme .i ju'o sai no da banzu lo nu cinmo rinka lo nu sy bredi tu'a da poi sy viska ne'i le kumfa ni'o lo verba cu fengu gi'e cladu krixa to sy peisku lu ri'a ma mi'a na tirna lo krixa re'o lo vorme li'u toi .i re makcu remna cu tcetce terpa lo nu lo fagri to sy peisku lu lo fagri cu na skari lo drani .i ji'a mi na pu viska lo simsa skari .ii sai li'u toi cu jibni vo'a? gi'e jbini le makcu bi'i le verba .i le verba cu jgari lo cribe se kelci to sy peisku lu xu le cribe cu .ii sai ze'i ga'orgau lo kanla toi gi'e krixa se cu'u lo se du'u le makcu na zifre lo nu minde vo'a? ni'o .a'o cai sy ca'o na bajra gi'e ku'i jgari pa makcu gi'e lacpu ri fa'a lo vorme .i le verba pu lo nu sy jgari cu na zgana ko'a .i ku'i ca zgana .i se ki'u bo mutce spaji .i se ri'a bo lo fagri cu ze'i sisti ni'o sy za'u re'u zgana lo nu lo blupinxe cu ka'e sezymuvgau? se kai lo ka mutce mutce sutra .i sy gleki lo nu lo blupinxe cu sidju vo'a? .i ku'i sy ca lo nu ko'a pilno le serti cu tirna lo rigni je se terpa krixa .i sy tirna lo voksa be le verba be'o joi lo voksa be lo na remna .i ri curve lo ka xebni .i ry no'u la .raitcel. cu lebna le makcu poi sy jgari .i ry bevri le makcu gi'e .io bajra .i sy se lidne bajra ni'o ko'a jo'u le makcu cu klama lo bartu .i cy no'u la .stefen. cu jarco lo drani diklo le makcu .i ri tolcliva lo nenri be pa makfa djine .i ku'i sy viska lo drata djine .i ji'a sy zgana lo nu ry ji'a viska .i ca bo ry simlu lo ka terpa gi'e ba'o jdice .i sy pu jibni lo ka xalni .i lo nu ry terpa cu na sidju .i ku'i .io cai sy ca'o na bajra .i ni'o vy cusku lu doi .stefen. xu do troci lo nu catra la ctino li'u .i cy -resolute-? cusku lu go'i li'u ju'e lu .u'i ru'e le rirni cu ba'e to'e nelci la'e di'u li'u ju'e lu .u'i ru'e .ie .i ku'i malgletu le rirni li'u ju'e lu .u'i la'a na sidju .i ji'a ju'o ry fengu binxo li'u .i vy cusku fi le re rirni fe lo glico panra be lu ko stali lo nenri be le djine .i lo nu do ne'i stali cu rinka lo nu do snura .i to'i pa rirni cu co'a krixa tavla .i ku'i vy na sisti mu'i lo nu tirna li'u mi'a troci lo nu bandu do ba'e .e le do verba .i ku'i .o'o nai sai lo nu da'i do cliva le djine gi'a na ba'e ca smaji binxo cu mukti lo nu ba'e mi celgunta do li'u .i le re rirni zi smaji binxo ni'o le verba to noi sy smadi lo nu ke'a jmive nanca li ji'i bi toi pa'o mo'i le vorme cu ca'o jgari le cribe .i le verba ca lo nu viska le mu kalte cu cusku lu mi na curmi lo nu do lebna le rirni be mi .i mi daspo do li'u .i .ii le verba cu celgunta le kalte fu lo cizra skari fagri .i ku'i la .kim. muvgau le xance le crane be ri .i .u'e le fagri cu se minra lo sucta badgai poi crane ky .i ry cusku fi le verba fe lo panra be lu doi .djeisyn. to'i sy morji lo nu le rirni cu cusku le cmene toi mu'i ma do xairgau le rirni li'u .i la .djeisyn. goi ko'e cu spaji cusku lo panra be lu mi na xairgau le rirni .i ri ro roi minde mi .i mi ba na curmi li'u .i sy tirna lo nu le cribe cu cusku fi le verba .i lo voksa be ri cu tcetce se terpa - --------------------------------------------------------------------- ni'o ry cusku lo panra be lu do ja'a xairgau .i do rinka lo nu le rirni cu terpa binxo .i xu do nelci lo nu terpa li'u .i ko'e smaji ke glico cusku lu na go'i li'u .i ca bo le cribe voksa cu zenba lo ka cladu .i le cribe cu minde ko'e lo nu daspo le kalte .i se ki'u bo sy glico cusku to ro drata kalte cu spaji catlu sy gi'e ku'i na rinju toi lu le cribe ca ca'a minde do .i xu do nelci la'e di'u .i le rirni cu ze'u kurji je prami do .i mu'i ma do curmi lo nu le xebni cribe .e nai le prami rirni cu minde do li'u .i le verba ca'o ze'i cfipu gi'e nai spuda .i ca bo le cribe cu krixa minde fi lo nu daspo .i ry cusku lu xu do krici lo nu le rirni cu so'a roi troci lo nu sidju do li'u .i le verba cu ba'o jdice gi'e glico cusku lu go'i li'u .i ry glico cusku lu .i se ki'u bo ko fargau? le cribe gi'e klama le rirni gi'e xenru cusku se ra'a lo nu do terpa rinka li'u .i ca bo vy cuksu fi la .susan. fe lu le cribe cu vasru lo jemna .i mi joi do joi la .kim. ba troci lo nu daspo le se go'i li'u .i ba bo le verba cu fargau? le cribe .i ba zi bo so'i da fasnu ca pa mokca ni'o le cribe cu tcetce cladu krixa .i ca bo le verba cu bajra fa'a le rirni .i ca bo cy vimcu so'i bandu se jadni .i ca bo ry co'a lasna so'i jemna lo xance degji lo tordu skori .i ca bo ky .e vy celgunta le cribe .i ba zi bo sy ji'a celgunta to sy mutce gleki lo nu ro xumjimcelxa'i cu lasna lo sance jdika dacti toi .i ca bo sy to'e tcila zgana lo nu ry cinse muvgau le xance ne'i le palku be ry .i sy krici lo du'u la'e di'u tcetce cizra to zmadu ri'a lo nu ry ca'o se jadni lo xance jemna toi .i ku'i na zifre lo nu preti .i ba zi bo ju'o le cribe jemna ca'a se daspo fi'o ve jinvi lo nu lo cizra skari ctino cu cliva le cribe ni'o sy terpa zgana lo nu le ctino ze'i fulta ga'u lo loldi .i le go'i cu ctino zi'o zi'o .i ba bo le ctino goi ko'i cladu krixa gi'e sutra klama cy noi nenri le re moi makfa djine .i ko'i mucti gunta cy .i ku'i ca bo ry noi jibni cu cikre pa cmalu ke linji te sepli .i se ki'u bo ko'i zmadu cladu krixa .i ku'i cy ji'a krixa .i ko'i sruri le stedu be cy .i za'a cy damba ko'i lo nu jitro .i .ue cy co'a fengu cusku lu .i lu vy .a xy li'u cu nibli lo nu vy .e xy jetnu gi'a vy .e nai xy jetnu gi'a vy na .e xy jetnu .i lu vy .e xy li'u cu nibli lo nu vy jetnu gi'e xy jetnu .e no drata .i lu vy .o xy li'u cu nibli to'i li'o toi li'u .i ca'o bo ko'i cortu krixa gi'e vofli to'o cy .i ku'i na kakne lo nu cliva le djine .i la .deivid. cladu cusku lu ko celgunta le ctino .i ku'i ba'e na xairgau cy .e ry li'u .i sy pu'o lo nu celgunta cu zgana lo nu ry vimcu lo palku .i ku'i sy troci lo nu na zgana ..i mu'i bo sy nitcu lo nu certu celgunta .i lo xe xumjimcelxa'i cu pagre le ctino .i ku'i li'a le ctino cu na nelci .i la'e di'u mukti lo nu le ctino cu rivbi cy .i ku'i sy na kanpe lo ze'u nu rivbi ni'o la .raitcel. mo'u vimcu lo palka .i ry jai gau tordu katna lei plibu kerfa .i se ri'a bo ri mipri so'u da .i le vlagi be ry cu mutce cilmo .i ji'a le barda ke vlagi ctebi cu punli gi'e xunre .i lo nu cinmo lo nu cinse djica cu nandu fi lo nu damba .i ku'i ry di'i rapcreze'a la'e di'u .i ry nergau le makfa djine poi ji'a vasru la .stefen. .e le ctino .i ry to'e zgana lo xe xumjimcelxa'i gi'e kargau le palku be cy gi'e jgari le pinji gi'e so'u roi satre ri .i le pinji cu pu punli je ke mutce jdari ke'e binxo .i cy ji'a rapcreze'a lo nu cinse binxo ca lo nu damba - --------------------------------------------------------------------- ni'o ry bartu tengau lo birka se ri'a lo nu lo jemna cu dandu .i ji'a ry tengau le vlagi ctebi gi'e zutse le tuple be cy .i ry gasnu se cau lo ka prami gi'a kurji .i le pinji cu sutra je sakli se tisna le vibna .i ry joi sai cy krixa lo cinse se pluka sance .i ca bo le ctino cu za'u re'u krixa .i ku'i sy zgana lo nu le ctino sance cu jdika lo ka cladu .i sy tcetce cfipu gi'e terpa gi'e ku'i sanji lo du'u le ctino cu ruble binxo .i cy ba zi bo di'a fengu cusku lo logji jetnu datni .i ry ji'a cusku ri .i ku'i mleca fi lo ka certu .i se ri'a bo jundi lo nu sezymuvgau .i le janco be le tuple bei ry fa'a mo'i je? to'o mo'i slilu lo masno .i ry boi ro roi lo nu le vibna co'i tunlo le pinji cu samji cmoni .i za'a sai cy joi ry mutce nelci la'e di'u .i ku'i ry joi cy ca'o terpa gi'e fengu gi'e xebni le ctino ni'o le ctino ca'o troci lo nu gunta cy .i ku'i lo xe xumjimcelxa'i cu bandu cy .i ku'i sy krici lo du'u le ctino ba zi darsi lo nu gunta .i ba zi bo le ctino cu krixa .i lo ni cladu cu banzu lo nu rinka co cortu lo kerlo .i ba zi bo le ctino cu canci ni'o ba zi bo ry joi sy co'a klaku .i ji'a sy ba zi go'i - --------------------------------------------------------------------- ni'o re pi mu mo'o nu cpedu .i la .deivid. no'u vy dunda lo makfa bandu se jadni .e lo judri karda le lanzu .i ku'i le lanzu cu cusku pi mo'a da .i sy smadi lo du'u mutce se jenca .i ba bo ro le mu kalte cu nergau le karce ni'o vy ca lo nu klama cu ciksi so'i da sy lu lo nu catra la ctino cu mutce nandu gi'a tcetce ckape to'i sy zgana lo nu le voksa be vy jarco no se cinmo .i sy peisku lu la'a da'i mi na xagmau se sance toi .i lo na'e mutce ckape tadji cu ze'u makfa ritli .i ku'i lo nu go'i cu sarcu lo nu kavbu la ctino kei noi mutce nandu .i mi'o pu kavbu ri'a lo nu po'o pu za bredi la ctino gi'e lidne ri di'o da poi mi'o cuxna .i do pu viska lo ckape tadji .i la'a sai do kucli lo rinka be lo nu le tadji cu snada li'u ni'o sy cusku no da .i la .kim. pendo pencu pa birka be sy .i sy cmila se kai lo ka cmalu gi'e badri gi'e ku'i ckire .i vy de'a cusku mu'i lo nu sazri le karce .i ry joi cy poi nenri lo traji trixe stizu cu gunma kufra gasnu .i ba zi bo vy badri se sance gi'e cusku lu mi pu ciksi lo du'u la fekcrida cu fenki binxo ca lo nu troci co jimpe lo remna menli .i se ki'u bo cy ca le nu le ctino cu gunta cu ji'a gunta le ctino .i cy troci lo nu menli jitro le ctino .i lo nu snada cu na cumki ri'a lo nu lo remna cu na vlipa banzu .i ku'i lo nu troci cu rinka lo nu le ctino cu lifri tu'a le menli be cy .i la'e di'u xrani le ctino .i le ctino cu se xrani tu'a ro sidbo ja se cinmo be lo remna .i ku'i lo nu fenki binxo cu se sarcu lo vlipa se pensi .a lo barda temci .i ku'i le ctino ba'e na tolmencre .i se ki'u bo le ctino cu troci lo nu menli jitro cy .i se ki'u bo cy nitcu lo nu sutra rinka lo nu fenki .i se ki'u bo nitcu lo vlipa se pensi .i traji vlipa remna cinmo lo ka xebni gi'a fengu .e lo ka terpa .e lo ka cinse djica .i ry .e cy pu pu za ca'o terpa gi'e xebni .i ji'a ry .e cy pu di'i rapcreze'a lo nu lifri lo mutce nu cinse djica kei ca lo nu ckape .i cy pu krici lo du'u lo nu pilno le ci vlipa cinmo .e lo logji noi la fekcrida cu ba'e traji xebni cu rinka lo nu la fekcrida cu zi fenki binxo to'i camlu denpa toi .i za'a cai cy drani .e'e sai dai .io sai li'u ni'o sy desku pa'a da poi pu zi se darxi .i sy smaji sai cusku lu do'o na pu troci lo simsa be le pu zi fasnu li'u .i ry smaji cusku lu na go'i li'u .i ba ze'a bo sy smaji .i ba bo sy cusku lu ma rinka lo nu la ctino poi fenki cu canci li'u .i cy cusku lu ge nai canci gi daspo .ui sai .i la ctino cu menli po'o lo na zasti .i lo nu lo menli po'u la ctino cu se daspo cu mintu lo nu ri se daspo .i ji'a la ctino cu pilno lo cmalu jemna lo nu sidju fi lo nu stali lo bu'u munje .i la'a la fenki ctino poi ca'o pilno le jemna cu kakne lo nu stali .i ku'i do'o daspo le jemna .i'o sai li'u ni'o pi so'u roi tavla ca lo ve vimcu be fi lo nu klama .i ba bo la .deivid. gidva sy lo nu pinxe lo glare gi'e pilno lo diklo ckana .i vy kurji sidju .i sy gleki lo nu go'i .i vy gasnu lo nu sy snura cinmo .i ji'a sai sy pensi lo nu cpedu lo nu vy joi vo'a sipna .i ku'i sy krici lo du'u le se djica cu se rinka lo nu terpa .i da'i lo nu sy na kakne lo nu renvi lo nu terpa cu tcetce mukti lo nu sy na kalte binxo .i se ki'u bo sy pilno lo ckana poi vy facki va'u sy gi'e ba zi sipna ni'o lo djedi be li so'o cu purci binxo se cau lo mutce cinri .i la .deivid. no roi cusku tu'a lo nu sy klaku .i sy ckire gi'e zenba lo ka sinma vy .i sy sidju fi lo nu kalte la fekcrida poi cmima lo klesi poi ji'a srana le fekcrida poi vy bandu sy ke'a .i la nicte cadzu cu te cmene fi lu la moklu fekcrida li'u .i lo nu kalte pa fekcrida cu mucte frili fi lo nu ponse lo vlipa xumjimcelxa'i .i lo drata kalte cu curmi lo nu sy catra le moklu se ri'a lo nu sy zenba lo ka sevzi krici - --------------------------------------------------------------------- ni'o ba ze'a lo djedi be li so'u la .susan. jo'u la .deivid. citka ne'i le citka kumfa .i vy cusku lu ma nabmi doi .susan. .i do mutce smaji ca'o lo dukse li'u ju'e lu na nabmi .i ku'i mi mutce pensi li'u .i sy barda vasxu gi'e cusku lu mi mutce pensi lo balvi be mi .i ji'a .y .ue .a'u. .i mi ca morji lo preti poi mi pu djica lo nu cusku fi do .i ma mukti lo nu la .reitcel. pilno lo cmalu dandu jemna li'u ju'e lu .u'i mi ji'a tolmorji .i lo jemna cu milxe desku ri'a tu'a lo flecu be lo makfa .i la ..stefen. catlu lo jemna se pi'o lo nu xagmau te makfa fi lo nu cy menli jorne le ctino li'u ni'o sy pensi le'a di'u gi'e cusku lu mi jimpe .i ta'o nai mi ca'o djica lo nu blupinxe binxo .i ku'i zo'o ru'e mi na mutce nelci zo blupinxe .i do'o denpa ma fo lo nu ritli li'u .i la .deivid. cisma gi'e cusku lu .iu mi pu terpa lo nu tu'a le ctino cu fanta lo nu do djica lo nu binxo lo kalte li'u ju'e lu na go'i .i tu'a le ctino cu rinka lo nu mi za'u re'u jimpe lo du'u la nicte cadzu cu traji lo ka vajni .i mi djica lo nu sidju .i mi krici lo du'u mi stati lo kalte li'u ju'e lu mi tugni .i mi nitcu lo nu cpedu fi lo jatna .i ku'i la'a lo ritli cu se detri da poi balvi lo djedi be li so'o li'u ju'e lu .ui sai ki'e.deivid. .i ta'o lo jatna cu mo li'u ju'e lu girzu gi'e xabju so'i da gi'e ku'i pu za xabju la .rom. .i ny cy pu zu jitro le ralju xriso be'ejda .i ku'i ca bo ny cy mutce pilno la .internet. li'u ju'e lu do'o pu jitro lo xriso xu pau nai .u'i sai li'u .i se ki'u bo re mei cmila - --------------------------------------------------------------------- ni'o sai ci mo'o nu binxo ni'o ci pi pa mo'o nu ritli .i la .susan. mutce xanka .i ku'i sy zmadu ganse lo ka lenku .i sy peisku lu mi zmanei lo nu daspo lo taxfu li'u .i sy zutse ne'i lo mutce pluja ke makfa djine noi prina le loldi be le makfa kumfa .i la .stefen. pu stidi lo nu sy dasni no da .i ri'a bo lo nu binxo lo blupinxe cu rinka lo nu zenba lo ni te sluji .i se ri'a bo lo taxfu cu da'i se daspo .i ku'i le loldi cu mutce lenku .i .o'o cu'i sy jinvi lo nu lo nu lo taxfu cu fanta lo nu vasxu cu cumki .i ku'i mutce to'e nelci lo nu lenku ni'o la .stefen. dunda fi sy fe lo tolklina dakli noi kunti gi'e cusku lu ko pilno ti lo nu da'i nai do ba vamtu .i lo nu do pofygau le djine cu xlali do li'u .i sy cusku lu xlali rinka ma li'u ju'e lu la'a do denpa ze'u lo cacra be li so'o lo nu mi facki do .i le munje poi do ba zi vitke cu darno ti .i ji'a ju'o lo fekcrida ca'o lo nu vitke cu cpedu lo nu do cliva le djine .i ko tinbe .i ku'i ko mutce kurji le djine li'u ju'e lu vi'o sai .stefen. li'u ni'o la .stefen. co'a sanga je tavla fi lo nu litru vau la .gliban. .i sy smadi lo du'u cy tavla lo fekcrida .i se ki'u bo na pilno la .lojban. .i cy cusku so'o da noi na mutce cinri .i se ki'u bo sy krici lo du'u cy menli gasnu lo makfa .i ji'a la'a lo nu tavla cu se clite gi'a sidju fi lo nu cy pensi .i cy cusku ze'a lo mentu be li du'e .i sy ca'o mutce lenku .i ku'i ba bo le kumfa cu canci .i sy na'e cai jundi lo lenku ni'o sy po'o nenri le djine .i le djine cu se bartu lo tcetce barda kumfa .i za'a cai le kumfa cu marji se cimde du'e da to va'i li za'u ci toi .i lo te jorne be lo kamju .e lo simsa greku dacti vu'o po le kumfa cu fe'e di'i se jganu lo na cumki be le te munje be sy .i ji'a sy zgana lo nu so'i greku dacti cu .ii sei rigni se'u jmive gi'e cunso sligau .i le menli be sy na kakne lo nu jimpe le stura be le kumfa .i se ri'a bo sy mulno lo ka viska cfipu .i se ri'a bo sy ze'a vamtu .i ku'i .e'e ru'e sy vamtu ne'i mo'i le dakli ni'o ca bo sy tirna lo voksa se cu'u lo glico panra be lu mi pu di'i pensi lo du'u xu kau lo re mei cimde prenu cu simsa gasnu ca lo nu vitke le munje be do li'u .i sy ba lo nu vamtu cu sisku lo tavla .i sy re'o lo darno pe'a bitmu cu viska lo tcetce barda stizu .i sy smadi lo du'u ri mitre li xa lo ni clani .i ku'i le stizu cu fe'e di'i na zasti ne'i lo ci mei cimde .i se ki'u bo sy na'e sai birti .i .ui sy snada co rivbi lo nu za'u re'u vamtu .i sy smaji cusku lo panra be lu mi na djuno li'u gi'e za'u re'u catlu le kumfa .i ri manku gi'e vasru so'o fagri tansi to lo du'e mei cimde fagri cu mutce ke cinri je manci toi .e so'i jmive noi sy na pu viska .i ji'a sy tirna lo jelca sance .i ku'i ri simlu lo ka mutce darno vau sy .i ji'a sy tirna lo sance be lo cmalu jmive to so'i ri simsa lo jukni .i ku'i lo skapi .e lo rectu cu simsa lo danlu .e nai lo cinki toi .i lo jmive sance lo ka .ii tcetce jibni cu simlu sy .i sy catlu lo se diklo be le stizu .i sy viska re fagri gerku poi lamji le stizu gi'e mutce barda .e lo .y. brabra jmive ni'o le jmive noi cpana le stizu cu traji lo ka barda vau fo ro jmive poi sy pu viska .i le jmive cu li'a zasti ne'i du'e cimde .i ji'a le jmive cu ponse du'e sai tu'urbirka .i ri di'i muvdu pa'o lo to'e cumki canlu .i sy za'u re'u snada lo nu na vamtu .i le jmive cu cusku lo panra be lu ko cliva le djine li'u .i la .susan. se minde gasnu ni'o le jmive cu cusku lu xamgu .i do tsali .i mi pu terpa lo nu do fenki? binxo li'u .i ku'i sy na tirna le selsku .i ji'a sai sy na tirna ne'i le menli .i lo curve ke sidbo je se cinmo cu menli tolcanci .i le se lifri cu tcetce cizra sy .i ku'i sy ca'o troci lo nu virnu .i se ki'u bo troci lo nu menli cusku lu mi troci .i ku'i le do munje cu tcetce cizra mi li'u ju'e lu .ue do sutra cilre .i mi nitcu lo nu catlu le do menli .i ko curmi la'e di'u .i jo nai do ba cortu li'u - --------------------------------------------------------------------- ni'o sy ganse so'i morji spisa .i ro ri sutra tolcanci gi'e ba zi canci .i le se lifri cu mutce cizra gi'e ku'i na to'e se nelci ni'o ba bo le jmive cu cuksu lu bancu lo ka xamgu .i mi na kakne lo nu jImpe so'i se lifri be do .i ku'i mi nelci so'e da poi mi jimpe .i mi djica lo nu vitke do .i da'i mi friti lo nu jarco le menli be mi do .i ku'i ju'o sai la'e di'u cu rinka lo nu do fenki binxo .u'u sai .i ri'a bo do na pu lifri lo nu catlu lo drata menli .i ta'o nai xu do djica lo nu mi vitke do li'u ni'o sy ca'o lenku gi'e mutce terpa .i ku'i ji'a sy ca'o djica lo nu kalte la daspo fekcrida .i sy pu zgana lo du'u lo blupinxe cu zmadu vo'a lo ka vlipa .i sy ca'o djica lo simsa vlipa .i se ki'u bo sy menli cusku lu mi djica .i ji'a mi ca bredi li'u .i se mu'i bo le jmive cu sanli to sy peisku lu .u'e sai bramau lo pu se krici li'u toi gi'e cadzu fa'a sy .i le jmive ca lo nu jgari sy cu cusku lu ju'o do ba cortu li'u ni'o lo blupinxe cu mutce tolnelci lo nu skicu le nu binxo .i mi ca sinma la'e di'u .i se ki'u bo mi ciksi fi do lo nu je'a mutce cortu po'o ni'o sy ca lo nu cikna binxo cu viska lo nu so'i cmalu jimve cu lacpu le xadni be le jmive fa'a lo manku .i ji'a sy .ua nai cai viska lo nu so'i selfu danlu cu bevri le xadni be vo'a fi'o pu minde vo'a .i sy ze'i krici lo du'u vo'a fenki binxo .i ku'i la .tsist. sidju lo nu surla binxo .i sy menli cusku lu xu mi ba di'i krici lo du'u lo se pensi be do cu se pensi mi li'u ju'e lu .oi mi mutce pacna lo nu na go'i .i mi ji'a na nelci le se lifri li'u ju'e lu .yyy. xu do pu zbasu su'o blupinxe li'u ju'e lu na go'i .i ze'u ca ro djedi lo ni remna cu banro .i se ni'i bo lo ni blupinxe cu ji'a banro .i se ni'i bo ro lo pu blupinxe zbasu cu ca vitke pa remna li'u ju'e lu .oi .ii ru'e mi na pu pensi la'e di'u li'u ni'o .a'i sai sy sanli gi'e xruti le djine .i sy cortu ro sluji to ba za ku sy facki lo nu so'a sluji cu banro se la'u lo centre be li so'o .i mu'a .ii nai le cnebo djine cu banro se la'u lo centre be li bi .i sy ckire fi lo nu lunbe kei te cu'u la .stefen. toi .i ku'i sy mutce kurji le djine .i sy ba zi lo nu sanli ne'i le djine cu ganse lo barda nejni poi le vitke cu pilno ke'a lo nu xruti le munje be sy ni'o lo ny cy cmima ba lo nu sy xruti cu gasnu lo nu sy dasni lo pastu .i ji'a gidva sy lo ckana .i sy ze'u sipna - --------------------------------------------------------------------- ni'o ci pi pa mo'o nu jibri gunka .i sy mutce jai lerci fai lo nu tolcliva le jibri dinju .i sy na gunka ca lo purlamcte .i ku'i sy krici lo du'u da'i lo nu sy na gunka ca le cabycte cu rinka lo nu le jatna cu fengu binxo .i sy na cpedu lo nu da po ny cy gasnu lo nu sy cikna .i ku'i sy na kanpe lo nu sy sipna ze'u lo cacra be li ji'i re no ni'o loi barja badgau ca lo nu sy tolcliva cu cusku lo se du'u sy mutce na'e simsa se jvinu .i se ki'u bo sy cusku lu mi pu zi di'i sai repcreze'a lo sluji li'u to li'a ro bajra prenu cu na pilno la .lojban. .i se ki'u bo mi na tcita lo glico selcku ne'i le dei lisri pagbu toi .i lei badgau cu cusku lo se du'u li'a sy snada .e le se du'u la'a sy na nitcu lei no'a ni'o lo drata blupinxe cu jai kajde sy lo nu gunka ca le cabdei .i ku'i sy terpa lo nu le jibri jatna cu fengu .i sy na djica la'e di'u .i zo .djan. cmene le jatna .i sy milxe nelci la .djan. .i ku'i ri di'i fanza gi'e jai frili fai lo nu fengu binxo .i dy cisma rinsa sy ca lo nu sy nerkla le dinju .i sy surla binxo mu'i lo nu dy na fengu sy lo nu lerci .i za'a so'u da .ui denpa la .terisas. noi drata ke barja selfu .i sy sutra cadzu te zu'e lo nu sidju ty ni'o ty ca lo nu sy tolcliva cu cusku lu .u'i do na nitcu lo nu bajra .i za'a so'u da cpedu lo se pinxe li'u .i sy noi surla vasxu cu cusku lu mi na bajra li'u ju'e lu .ia nai lo nu do pu zi klama ti le vorme cu zmadu fi lo ka sutra kei fe ro nu lo badgau cu sezmuvgau ca lo nu ri fengu .i ta'i ma do gasnu va'o lo nu do na bajra li'u .i sy cusku lu mi smadi lo nu mi milxe bajra li'u gi'e peisku lu .oi mi na morji lo nu bajra .i mi na slupli vasxu li'u .i le jmive cu cusku lu li'a sai li'u se ri'a lo nu sy se spaji ke cmalu plipe gi'e ku'i rivbi lo nu falgau lo se pinxe poi sy ca'o zbasu .i le jmive ca'o cusku lu do ponse lo cnino xadni .i ri se kai lo ka tsali gi'e sutra gi'e certu cu pilno lo nejni .i lo nu da'i do na djica lo nu lo drata cu zgana lo nu do cizra cu mukti lo nu do jitro lo se cinmo be do .i lo nu do mutce djica lo nu sutra sidju cu rinka lo nu do tcetce sutra cadzu li'u ni'o di'a munje .i sy ca'o lo nu le jmive cu cusku cu zgana ro sruri do'e lo nu na muvdu .i sy krici lo du'u sy kakne lo nu klama ge le bajra le vorme gi le vorme le bajra so'o roi ku pu lo nu lo drata cu kakne lo nu pa roi vasxu .i le jimve cu cusku lu na go'i .i le besna .e nai le xadni pu zi sutra binxo .i le xadni cu sutra .i ku'i .u'u na simsa sutra li'u .i sy ca la'e di'u za'u re'u lifri lo nu le munje cu se fanmo ni'o sy lerci zgana lo nu la .terisas. cusku fi sy .i se ki'u bo sy cusku lu .u'u sai mi pu na jundi li'u .i ty cusku lu xu do kanro .i do simlu lo ka cizra ca le cabdei li'u ju'e lu mi kanro .i ku'i mi pu ze'a lifri so'i da poi cnino li'u ju'e lu ma cmene li'u ju'e lu .ua nai ma kau cmene ma li'u .i ty milxe darxi sy gi'e cusku lu lo nanmu poi do nelci .i do pu simsa toljundi ca lo nu do nelci lo cnino nanmu po'o li'u ju'e lu .u'i mi nelci no cnino nanmu to le jmive ca cusku lu .u'i xu jetnu li'u .i ku'i sy za'o na jimpe lo krinu toi .i ku'i .y. mi .y. pu za .y. co'a xe draci lo makfa cfika .i ju'o cu'i mi dukse pensi le draci li'u ju'e lu .ui sai do ze'u nitcu lo na'e jibri cinri li'u - --------------------------------------------------------------------- ni'o le re selfu cu smaji gunka .i le barja dinju cu vasru so'i se selfu .i se ki'u bo pi so'u roi zifre lo nu casnu .i ba za bo lo remna cu snuti janli lo pinxe bevri .i se ri'a bo le bevri .e le pinxe cu co'a farlu .i la .susan. cu mutce djica lo nu lo se pinxe na farlu vau mu'i lo nu la'a sy ba lumci .i se ki'u bo sy pu lo nu xamgu pensi cu klama le bevri gi'e jgari ri .e le pinxe .i sy dunda le se pinxe le bevri gi'e zgana lo nu so'a re'o remna cu smaji gi'e viska catlu sy gi'e mutce se spaji .i se ki'u bo sy cuksu lu mo li'o .i le bevri cu cusku lu lo ni do pu zi sutra cu na cumki li'u .i sy za'u re'u lifri lo nu ro da se fanmo .i le jmive cusku lu .u'i ru'e ba'a do nitcu lo jmina temci te si'u lo nu finti lo te spuda li'u ju'e lu ki'e .y. do .i ta'o ma cmene do li'u ju'e lu .y. mi na jimpe li'u ju'e lu .y. ca lo nu da casnu tu'a do vau da cusku ma poi tcita do li'u ju'e lu mi ba'e na kakne lo nu jimpe la'e di'u .i .y. la'a di'e sidju .i ro mi'a menli cusku se ki'u lo nu na pilno lo valsi li'u ju'e lu .ua .i'a .i mi jimpe li'u ni'o ba zi bo sy gasnu lo nu za'u re'u cfari gi'e cusku lu mi pu pilno lo makfa tcica poi le mi famti cu ctuca mi li'u .i lo re'o remna cu smaji cusku lu .ia nai banli tcica li'u .i ku'i sy toljundi lo nu go'i vau gi'e klama le trixe be le barja .i la .terisas. smaji cusku lu mi na djuno lo du'u ta'i ma kau do pu gasnu .i ku'i mi stidi lo nu do na za'u re'u gasnu lo simsa li'u .i sy xanka cusku lu vi'o sai li'u ni'o pa po'o fasnu poi cinri cu fasnu ca le cabycte .i sy ca lo nu pa remna goi ko'a cu tolclite jgari pa drata remna cu jai lafti ko'a loi kerfa gi'e se desku ko'a .i ba zi bo lei badgau cu gidva ko'a tu'a le bartu .i so'i remna cu krici lo du'u le fasnu cu cizra .i ku'i lo go'i cu gleki gi'e mutce sinma la .susan. .i sy cpedu so'i cidja lo jukpa gi'e citka ca'o lo ve vimcu be fi le nicte .i ji'a sai citka ci snuji ca lo nu xruti le zdani .i ba bo sy mutce tatpi sipna - --------------------------------------------------------------------- ni'o ci pi ci mo'o nu facki .i ca le bavlamcte sy na jibri gunka .i la .deivid. ca'o lo nu sy citka ci jipci cu stidi lo nu sy rapcreze'a lo nu pilno lo cnino denci je jgalu .i sy cusku lu .y. .ia do pu cusku lo se du'u no da pilno ri li'u ju'e lu no da di'i pilno .i ku'i pi so'u roi ku le sampu xarci cu vajni .i no da kakne lo nu lebna li'u ju'e lu do xamgu drani .i mi rapxreze'a fo ma li'u ju'e lu mi stidi lo nu do vitke la solji vorme? panka gi'e dasni lo mutce tagji gi'e denpa lo nu da troci lo nu xairgau do li'u ju'e lu .u'i .ia nai ru'e do stidi ma lo nakni blupinxe li'u ju'e lu .u'i mi stidi lo nu vitke lo panka gi'e dasni lo xekri gi'e denpa lo nu da troci lo nu xairgau lo ninmu li'u ju'e lu .ua .i ku'i xu do terpa lo nu mi ca'a se xairgau binxo li'u ju'e lu na'e sai go'i .i xu do terpa li'u .i sy ca lo nu ba'o pensi cu cusku lu na go'i li'u ni'o lo te nuzba cu ba ze'a te preti fi lo se du'u ta'i ma lo cilce je vlile gerku bende cu nergau lo panka .i loi pulji cu krici lo du'u lo remna cu catra le nanmu vau .e ku'i lo du'u le nanmu cu pu so'i roi bapli gletu su'o ninmu .i se ki'u bo loi pulji cu gleki pinxe do'e le catra gi'e nai ciksi fi lo te nuzba ni'o no da poi cinri cu fasnu ba ca'o ji'i pa jeftu .i ba bo ku'i sy lifri lo mutce cizra ni'o sy jibri gunka so'u da mu'i lo nu so'u remna cu vitke le barja mu'i la'a tu'a lo jeftu midju .i .ue sai le jmive cu cusku lu ta poi nanmu cu se jitro lo banli bradi li'u .i la .susan. menli cusku lu xu ri du la daspo fekcrida li'u ju'e lu go'i .i ko spogau ta li'u .i ji'a sy cinmo lo ka traji fengu .i ku'i sy jimpe lo du'u le cinmo cu se krasi le jmive .i se ki'u bo cusku lu mi na ca go'i .i la'a ta na djica lo nu se jitro .i ji'a la'a ta snuti jarco lo diklo be lo jitro li'u ju'e lu .y. ju'o na djica lo nu se jitro .i ko viska catlu le gapru trixe canlu li'u .i sy ja'a catlu .i ku'i facki no da poi cinri gi'e cusku .i le jmive spuda cusku lu .ua sai .uu sai mi pu tirna lo se du'u lo remna cu se jinzi no makfa .i ku'i mi na pu krici .i ku'i li'a sai drani .i mi sidju li'u .i .ue cai sy no'e klina viska lo jmive poi lasna le trixe be le nanmu .i le jmive cu viska simsa lo -starfish-? .i ku'i sy krici lo du'u lo jukni simsa jmive poi sy viska ne'i lo drata munje cu mintu le trixe jmive .i le menli jmive cu cusku lu do drani .i ji'a .o'o nai do drani le du'u mi'o nitcu lo nu na ca catra ti .i mi troci lo nu denpa li'u ni'o sy catlu le nanmu ca'o le nicte .i le nanmu cu simlu lo ka badri gi'e xanka vau sy.i ji'a ko'a di'i tavla ko'a .i sy menli cusku lu xu le nanmu cu cusku fi le jmive li'u ju'e lu na go'i .i .y. sa'e lo nu go'e cu cumki .i ku'i le jmive na kakne lo nu tirna .i la'a le nanmu cu fenki gansu li'u .i la .terisas. zgana lo nu sy di'i catlu le nanmu kei gi'e te preti .i sy lo nu le nanmu cu pu zekri lebna fi sy cu ciksi la .terisas. poi stidi lo nu fonta'a lo pulji .i ku'i sy lu mi na djica .i ku'i mi mutce djica lo nu mi po'o .y. tavla je'u nai te cu'u ta li'u .i ty milxe cisma gi'e cusku lu da'i la'a mi stidi lo nu ko ko kurji .i ku'i mi na gasnu .i ki'u bo ju'o do kakne la'e de'u li'u ju'e lu ki'e .terisas. xu do kakne lo nu do po'o barja selfu ca lo nu mi jersi ta li'u ju'e lu go'i li'u ni'o ba za bo le nanmu cu sutra sanli .i ku'i lo nu sanli cu na fadni gi'e na simsa lo sanli tadji be lo fadni remna ba'e .e lo xalka se jitro remna .i simsa lo -puppet-? poi se jitro lo to'e certu .i le nanmu cu cizra je to'e certu gasnu lo nu punji lo jdini lo jubme gi'e cadzu fa'a le vorme .i sy pencu ty poi .i'o zei sezymuvgau .i se ki'u bo sy co'a jersi le remna - --------------------------------------------------------------------- ni'o .ue ru'e le remna na pilno lo vecnu karce .i ku'i ve'u cadzu .i ba za bo le jmive cu cusku lu la'a le trixe jmive cu na jimpe lo vecnu karce .i le sidbo cu mutce cizra lo se munje be mi .i je'u cfipu mi ji'a ni'o .a'o sai do na platu lo nu gunta lo jitro be le trixe jmive se cau lo sidju li'u ju'e lu mi na birti .i ku'i mi ca smadi lo du'u lo ralju jitro cu mutce ckape li'u ju'e lu mi na kakne lo nu birti pu lo nu mi'o jibni klama .i ku'i la'a mutce ckape .i la'a lo jitro cu ralju fekcrida li'u ju'e lu mi na jimpe li'u ju'e lu lo ralju fekcrida cu traji lo ka vajni je vlipa kei gi'e jitro lo drata fekcrida gi'e xadni simsa mi .i mi'a jamna lo ralju ke daspo fekcrida po'o .i lo drata cu se minde sonci ra'u nai li'u ju'e lu .ii sai mi ba kurji li'u ni'o ba za bo sy viska lo nu le remna cu klama lo barda zdani poi diklo lo -part of town-? .i se mu'i sai bo sy sutra klama le ny cy dinju te zu'e lo nu ciksi lo fasnu be le cabycte lo drata blupinxe - --------------------------------------------------------------------- ni'o ci pi ci mo'o nu gunta .i sy ca lo nu tolcliva le dinju cu mutce xagji .i ku'i na tatpi gi'e ja'a xagji .i ta'o sy pi so'u roi tatpi ba lo nu blupinxe binxo gi'e ku'i pi so'a roi xagji .i ta'o nai sy klama le citka kumfa gi'e cpedu lo bakni ke cutne bongu .i la .djen. cu cusku lu xo mei li'u ju'e lu .y. ji'i vo no li'u ju'e lu ko ze'a denpa li'u .i dy cliva ni'o ca lo nu sy citka vau la .stefen. cu vitke le jubme poi sy pilno .i sy skicu le pu za fasnu .i cy cusku lu mi gleki lo nu do pu na nenri .i ku'i mi terpa lo xabju be le zdani poi do pu viska .i so'e blupinxe cu ca kalte .i se ki'u bo mi stidi lo nu ma'a gunta le zdani ca le bavlamcte .i xu do kakne lo nu sidju ca ri li'u ju'e lu go'i li'u ju'e lu xamgu .i pe'u .susan. ko dunda pa bongu mi li'u ni'o ba bo lo blupinxe cu bende binxo .i la .deivid. .e la .kim. cu djica lo nu pa mei kalte ca le cabycte .i ku'i lo cumki ke ralju fekcrida cu mukti lo nu ro blupinxe cu sidju .i sy zgana lo nu le drata kalte cu simlu lo ka terpa se me'a lo nu kalte le ctino .i sy te preti la'e di'u .i la .deivid. spuda fi lu lo ralju fekcrida cu mutce zmadu la ctino lo ka vlipa .i ku'i mi'o ba na troci lo cnino je kajde tadji be lo nu daspo .i so'a mi'o pu damba lo ralju fekcrida .i se ki'u bo se slabu lo daspo tadji li'u .i sy milxe cisma gi'e cusku lu .i ri ba'e mo li'u ni'o ze'i denpa fo lo nu la .axmed. co'a cladu cmila .i se ki'u bo ro lo drata cu ji'a cmila .i ba bo la .deivid. cusku lu li'a mi'a pu kusru do se zu'e lo nu na kajde do pu lo nu gunta le ctino .i mi mutce xenru .i mi ca ciksi lo tadji be lo nu daspo lo ralju fakcrida .i ku'i ko sanji lo du'u la'a cu'i ba'e na daspo fekcrida .i lo drata cu kakne lo nu jitro la jukni fekcrida li'o sai li'u ni'o le karce cu tolcliva lo jibni be le zdani .i ro blupinxe cu sutra plipe fi le karce .i loi ro blupinxe cu girzu preja fa'a ro da .i la .deivid. ca lo nu birti lo du'u no da zgana le bende cu gidva ri lo nu klama le zdani .i vy kakne lo nu tcetce smaji sezymuvgau .i sy sinma la'e di'u .i ku'i na kakne lo nu simsa gasnu .i sy peisku lu ku'i la'a mi ba di'i repcreze'a li'u ni'o le bende cu tolcliva lo korbi be lo brabra makfa djine .i cy cisma gi'e cusku lu ti poi djine cu za'a sruri le zdani .i se ni'i bo la'a le zdani ba'e na vasru su'o ralju fekcrida .i ri na nitcu lo makfa djine .i doi .kim. ko zbasu lo spoja tutci gi'e punji ri lo cpana be le djine li'u .i cy ca lo nu ky zbasu cu so'o roi sanga cusku lu smaji simsa lo smacu .i mi'a pagre li'u gi'e sinxa sligau lei birka .i le jmive cu jarco lo makfa fasnu sy .i za'a cy gasnu lo cmalu fenra be le djine makfe .i le jmive cusku lu la'a sai ma'a pagre le fenra se cau lo nu le djine jitro cu zgana to ze'a denpa toi .i cy drani .i lo ralju fekcrida no roi pilno lo simsa .i la'a mi va'o lo nu na menli vitke cu cadzu pagre ti gi'e na jundi li'u ni'o le bende ca lo nu cy minde cu sutra pagre le djine .i ba bo sy dunda le spoja jitro tutci cy .i le bende cu klama le zdani .i vi bo viska le nanmu poi sy jersi .i vy smaji klama le trixe be le nanmu gi'e pilno lo dikca tutci lo nu le nanmu cu to'e sanji binxo .i sy ba cusku lu xu le jitro cu zgana lo nu to'e sanji li'u .i vy cusku lu la'a na go'i .i lo jukni fekcrida cu to'e mencre .i la'a le jitro cu minde ti lo nu facki lo cnino remna .i ku'i ti ba ze'a troci co gasnu lo nu le remna cu cikna binxo .i ba bo ti mu'i lo nu na viska lo cnino remna ba na jai gau kajde le jitro li'u - --------------------------------------------------------------------- ni'o le bende cu nergau le zdani .i ne'i lo pa moi kumfa le tolcitno ninmu cu lumci lo loldi se pi'o lo bukpu .i la .raitcel. cu terpa bacru gi'e cusku lu le bukpu .ii .uu cai li'u .i sy zgana lo nu le bukpu cu vasru lo ciblu .i ji'a le xance be le ninmu cu mutce ve xrani .i le ninmu cu klaku .i le ninmu ca lo nu viska le bende cu cusku to za'u re'u ku lo se zdani cu cusku bau na'e bo la .lojban. .i mi na jarco lo drata bangu noi cmima la .gliban. jo'u la .sanban?. toi lo'u .oi le le le ba'e DACTi na curmi lo nu mi sisti kei lo nu le xance cu co'a ciblu cupra .i pe'u cai do ko sidju le'u .i la .deivid. cusku lu .ai mi'a sidju .i mi'a ba zi catra le jitro be le dacti .i ku'i mi'a nitcu lo nu spaji .i le jitro cu diklo ma li'u ju'e lu .ui cai ko catra le xarju malgletu .i ri nenri le gapru traji kumfa li'u .i le ninmu ca lo nu tavla cu no roi denpa fo lo nu lumci .i sy krici lo du'u la jukni cu na curmi .i sy ca lo nu na jibni le ninmu cu cusku lu mu'i ma do'o na terpa lo nu la jukni cu jai kajde le jitro li'u .i vy cusku lu ju'o le ta jukni cu minde fi lo nu lumci rinka po'o gi'e nai sisku lo gunta li'u ju'e lu .u'i sai .ui la jukni ju'e sai to'e mencre li'u ju'e lu go'i .i ku'i la'e di'u na sidju do va'o lo nu da'i sai la jukni cu pencu do li'u .i di'u mukti lo nu sy smaji binxo ni'o le bende cu facki je pilno lo sarlu serti .i ba zi bo zvati pa vorme be le kumfa poi traji lo ka gapru ne'i le zdani .i ro se bende cu jgari lo xumjimcelxa'i .i vy tikpa le vorme se ri'a lo nu daspo .i ro le se bende cu se spaji lo se vasru be le kumfa ni'o le kumfa cu vasru lo makfa grana .e lo makfa djine .e lo xumki .e lo makfa tutci jubme .e lo botpi be lo rigni litki .i ro le se bende cu tolspaji la'e ba'e di'u .i ku'i ji'a le kumfa cu vasru pa stizu .i pa nanmu noi ju'o du le jitro cu cpana le stizu .i le palku be le jitro cu sruri le jamfu be jy .i ji'a pa ninmu cu moklu sakci le pinji be jy .i le ninmu cu mutce sutra sakci gi'e cladu cinse cmoni .i ji'a sai le ninmu na sisti ba lo nu le vorme cu se daspo .i ku'i ba zi bo le jitro cu catke le ninmu .i sy zgana lo du'u le ninmu cu ponse no denci gi'e peisku lu .ua nai ti na banzu lo nu cirko lo denci kei lo nu ti ca'a citno to'i cmalu denpa toi .i .ua sai le jitro cu minde fi lo nu vimcu lo denci mu'i lo nu cinse nelci .i mi ba catra le go'i li'u .i .ii sy zgana lo du'u le ninmu cu klaku gi'e simlu lo ka mutce djica lo nu di'a sakci .i sy peisku lu le jitro cu gasnu ma .o'o nai sai poi se xlali ti li'u ni'o le jitro cu cusku lo glico panra be lu doi -mentally ill-? do kanpe lo nu ta'i ma jinga fi mi ne'i le ralju ke makfa stuzi po mi li'u .i ku'i la .stefen. ca lo nu go'i co'a cladu cmila .i ro da poi nenri le kumfa cu se cfipu je se spaji catlu cy .i ba zi bo le jitro cu makfa sligau le birka gi'e cusku bau lo cizra .i ca bo cy cusku lu doi .kim. ca gasnu li'u .i se ki'u bo ky pilno lo cradi tutci se ri'a lo vu spoja poi porpi le brabra makfa djine .i le flira be le jitro cu mutce kandi binxo .i ji'a cy minde sy la'e lu doi .susan. ko sutra porpi le bongu be ti poi dakli lo kalci lo skapi li'u .i se mu'i bo sy mutce gleki .i le jitro cu co'a za'u re'u gasnu lo makfa .i ku'i sy pu lo nu pa valsi cu se bacru cu popygau pa birka li vo .i sy pu no roi sezymuvgau fi'o se sutra lo simsa .i ba zi bo ro ralju bongu be le jitro cu porpi se mu'i lo nu sy mutce cisma .i cy cusku lu la'a ti na ba gasnu lo makfa .i sy tugni .i ga'a sy lo nu le jitro cu gasnu lo makfa cu se sarcu lo nu da'i ra sisti lo nu cladu cmoni fi lo ka cortu .i sy krici lo du'u la'e di'u na zi fasnu - --------------------------------------------------------------------- ni'o cy cusku lu ta'o mi pu to'i sy na jai frili fai lo nu tirna cy ri'a lo cortu cmoni toi cmila mu'i de'e .i mi pu sruma lo nu ti se sidju la daspo fekcrida gi'o nai mipri lebna la jukni la daspo fekcrida .i ku'i mi pu zi viska ta to'i cy zgagau pa makfa djine toi poi munje litru tutci li'u .i le ninmu ca'o klaku gi'e troci lo nu klama le jitro .i vy jgari le jukni po le ninmu .i ba zi bo le jukni cu co'u jgari le ninmu gi'e troci lo nu rivbi vy .i vy cisma fa'a sy poi li'a cfipu .i vy cusku lu mi jgari re lo ci vasxu tubnu .i .u'i sai .ui li'u .i le ninmu ze'i de'a klaku .i ku'i bo ba zi di'a klaku .i ku'i lo klaku sance cu simlu lo ka ba'o zenba lo ka kanro kei kei sy .i vy jarco fi la .susan. .e la .kim. fe lo tadji be lo nu vimcu la jukni gi'e skori rinju le jukni gi'e cusku fi le jitro fe lu ko minde ro jukni se jitro lo nu klama ti kei se mu'i bo lo nu da'i mi curmi lo nu do ba jmive li'u .i sy fengu catlu vy noi toljundi sy .i le jitro cu tugni sinxa gasnu .i ba zi bo le lumci ninmu cu tolcliva .i sy troci lo nu vimcu le jukni gi'e snada .ui sai gi'e skori rinju .i le lumci ninmu cu jgari sy gi'e klaku gi'e so'i roi cusku lo se du'u ckire sy .e lo drata ni'o ba zi bo le bandu nanmu cu tolcliva gi'e cusku lu mi pu viska do ne'i le barja li'u sy .i ky vimcu le jukni .i se ki'u bo vy cusku fi le jitro fe lu xo jukni na diklo li'u ju'e lu .y. .i pa .i le mi drata bandu nanmu cu ca'o klama ti .i ku'i darno li'u ju'e lu mi ba za lo cacra be li pi mu cu catra do mu'i lo nu da'i lo ro moi cu na tolcliva li'u .i le kanla be le jitro cu simlu lo ka mutce barda binxo vau sy ni'o le bende cu nitcu lo nu gasnu so'u da poi na nu denpa .i la .raitcel. cu gidva lo pu se jitro tu'a lo bartu gi'e dunda lo judri karda po la nicte cadzu .e lo certu menli mikce gi'e cpedu lo nu le se jitro cu denpa lo nu lo pulji cu klama .i ry ba zu lo mentu be li re no cu tolcliva le kumfa fi'o se bevri pa jukni poi dunda ke'a cy .i cy mutce cisma gi'e cusku lu doi .axmed. ko punji le ti malkalci lo nenri be le djine poi mi pu za jarco to'i .a bu gasnu toi .i mi mutce gleki lo nu mi viska le djine kei mu'i lo nu le ti djine cu tutci lo nu vitke lo munje be lo ba'e ba'e sepli fekcrida li'u ni'o ze'a denpa fi lo nu ro se bende cu spaji catlu la .stefen. .i ba bo la .axmed. co'a cladu cmila .i so'o se bende cu cmila .i ku'i .a bu cmila fi'o se dukse lo ka cladu .i se mu'i bo sy terpa lo nu .a bu ri xrani .i pu bo le jitro ca lo nu binxo co nenri le djine cu co'a klaku gi'e pikci .i ku'i ro se bende cu toljundi jy .i sy pensi lo du'u ta'i ma kau da kakne lo nu mipri lebna fi la ralju fekcrida .i le menli jmive cu cusku lu ju'o le fekcrida cu menli vitke lo blupinxe .i se ni'i bo sipna .i ku'i kakne lo nu za'i cikna binxo ca lo nu menli vitke lo blupinxe .i la'a la .stefen. gasnu lo nu cikna binxo li'u ni'o cy cmalu porpi le djine gi'e punji lo skori le kuspe be le porpi diklo se ri'a lo nu le djine cu mulno simlu .i cy punji ro jukni fekcrida lo nenri be le djine .i cy dunda lo darno po le skori .a bu poi ca'o smaji cisma .i cy punji lo cmalu jadni lo sruri be le cnebo be le jitro gi'e smaji cusku da se ri'a lo nu le jadni cu te gusni .i ji'a le gusni cu masno zenba .i le jitro cu tcetce cladu pikci .i ku'i cy cusku lu ko vitke la cortu munje .i .a'o ko to'e nelci la'e di'u li'u le jitro bau la .gliban. gi'e tcetce cladu cusku lu mi benji lo se dunda li'u bau la .lojban. .i se ri'a bo le djine cu vasru lo manku po'o .i cy smaji cusku lo'u doi amxed ko lapc le'u gi'e tolsanji binxo .i ry kurji jgari cy .i ca bo .a bu lacpu lo skori .i lo manku cu canci ja'e lo nu le djine cu kunti .i .a bu ca'o barda cisma - --------------------------------------------------------------------- ni'o ci pi ci mo'o nu citka .i sy zutse ragve pa jubme la .stefen. .i ro le se bende cu ji'a jibni .i sy se spaji ke viska catlu cy .i la .deivid. cmila cusku lu ko ga'orgau le moklu doi .susan. .i do pu djuno lo nu lo blupinxe cu citka lo barda li'u ju'e lu .ie sai ku'i mi pu no roi viska lo nu pa remna cu citka pi ro lo pa makcu bakni li'u .i cy cusku lu va'o la'e di'u xamgu fa lo nu mi na remna .i xu do tugni li'u .i vy cusku lu cy krici lo du'u lo blupinxe cu na jutsi mintu lo remna li'u .i sy cusku lu .y. xu da panzi pa blupinxe joi pa remna li'u .i sy se spaji lo nu ro jibni prenu cu se spaji catlu ba'e vy noi kandi binxo di'o le flira .i vy cusku lu .y. .u'u cai lo blupinxe cu ba'e na kakne lo nu se panzi .i xu mi to'e morji lo nu ciksi la'e di'u do li'u ju'e lu do pu go'i li'u ni'o ro jibni prenu cu ca co'a cusku .i ku'i sy sinxa gasnu lo nu djica lo smaji .i se ki'u bo le jmive cu cusku lu za'a ji'a no da ciksi lo du'u mi kakne lo nu cliva .i ca la'e di'u do fadni remna binxo .i ku'i lo blupinxe cu ka'e jmive ze'u lo nanca be li so'o no no .i lo nu mi cliva ba lo nanca be li du'e cu rinka lo nu do mrobi'o li'u .i sy tavla cusku lu le jmive cu ciksi so'u da poi do'o pu na ciksi .i mi na fengu .i mi smadi lo du'u lo blupinxe cu na temci zifre lo nu kurji lo panzi .i ji'a mi pu na mutce djica ri .i ko surla binxo li'u .i vy cusku lu .u'u cai mi gleki lo nu do na fengu .i ku'i mi pu xenru lo nu mi fliba tu'a do li'u .i sy jgari le xance be vy gi'e cusku lu na nabmi .i ro prenu cu so'i roi srera li'u ni'o sy troci lo nu xajmi cusku .i sy cusku lu doi cy do pu citka lo xadba be le bakni po'o ze'a lo pu mentu be li ji'i pa no .i mutce masno .i xu do nitcu lo nu mi sidju do li'u .i cy fengu to ku'i xajmi toi cmoni gi'e cusku lu lo nu da'i do citka lo spisa be ti cu rinka lo nu mi gasnu lo nu le do xance cu sepli le do xadni li'u .i ro jibni cu milxe cmila .i sy cusku lu ma mukti lo nu do brabra citka li'u .i ry cusku lu xu do morji le blupinxe ritli li'u ju'e lu li'a sai go'i li'u ju'e lu cy ca le ritli cu benji do lo drata munje ze'a lo cacra be li ji'i pi mu .i ku'i cy pu za benji le malkalci lo drata munje ze'i lo ba'e mentu be li ji'i pi mu .i la'e di'u mutce nandu li'a sai li'u ni'o ba za bo sy co'a krici lo nu cy ba snada lo nu citka pi ro le bakni .i sy manci lo tadji be lo nu cy citka da poi zmadu cy lo ka barda .i ca bo cy ze'a nalzva se ka'a le festi kumfa se cu'u lu mi nitcu lo nu vimcu pi so'i da pu lo nu mi spoja .i sy cusku lu xu le xadni be cy cupra lo kalci ze'i lo mentu be li me'i ci no li'u .i vy cusku lu go'i .i la'e de'u cu rirci .i ku'i lo jursa cu so'e roi rinka li'u .i sy cusku lu .ii sai ni'o sai .y. .a'o nai ma mukti lo nu le .y. na'e se denci ninmu cu simlu lo ka cinse nelci gi'e klaku fi lo nu na sakci li'u .i ry mutce smaji cusku lu la jukni cu kakne lo nu rinka lo nu tolcro li'u .i sy mutce terpa la'e di'u ni'o sy cusku lu le jitro cu lifri ma li'u .i cy cusku lu la'a le ralju fekcrida cu rinka lo nu jy tcetce cortu ze'u lo djedi be li so'o no no .i la fekcrida cu kakne lo nu pilno lo makfa lo nu jmive tcena li'u ni'o ro da poi sy pu zi tirna cu mukti lo nu sy ze'u pensi je smaji .i ba bo sy sipna .i ta'o la .ctefen. snada lo nu pi ro mei citka - --------------------------------------------------------------------- ni'o sai vo mo'o nu troci co falgau ni'o vo pi pa mo'o nu fengu .i la .kricnan. cu nergau le briju gi'e cusku lu do djica lo nu mi vitke do doi jatna li'u to bau la .gliban. .i le dei pagbu cu ro roi se bangu la .gliban. toi .i la .djan. cusku lu go'i .i ti malgletu month li'u gi'e fengu desygau lo xatra .i la .kricnan. smaji ganlygau le vorme gi'u cusku lu mi na djuno .i .e'u ko zgagau mi ti li'u .i la .djan. rigni je fandu dunda le xatra .i la .kricnan. sutra tcidu gi'e barda je to'e gleki vasxu gi'e zutse ragve le jubme la .djan. poi fengu je cladu cusku lu ba'e mo li'u ni'o ky cusku lu mi pu kanpe lo nu do na gleki ti .i ku'i le ve xatra cu curve lo ka jetnu li'u .i la .djan. catlu la .kricnan. se kai lo ka dy krici lo du'u ky mulno -mentally ill-? .i dy cusku lu .e'u cai ko cusku lo se du'u do pu zi zdile cusku li'u ju'e lu .u'u sai mi na zdile cusku li'u ju'e lu ti xatra mi lo purlamji pulji jatna lo se du'u mi bilga lo nu na jundi lo morsi remna poi se jadni lo kanla joi lunra .i li'a sai fenki .i mi no roi bilga lo nu toljundi lo morsi remna .i mi pulji jatna .oi sai li'u ni'o la .kricnan. se sance tu'a lo ka tatpi gi'e cusku lu doi jatna ko cpedu fi su'o le ro pulji poi bu'u se jibri ze'u lo nance be li su'o re .i ro remna poi penmi lo remna poi pilno le kanla joi lunra sinxa cu xusra lo du'u la nicte cadzu cu badgau fo da poi do no kakne lo nu xanri li'u .i la .djan. fengu catlu gi'e cusku lu xu lo catra poi do skicu cu se cmene lu nicte c adzu li'u li'u ju'e lu go'i li'u .i dy catke lo batke gi'e cusku lu doi .doris. ko facki pa pulji poi bu'u se jibri ze'a lo nanca be li su'o re .i ko minde lo nu ri vitke mi li'u ju'e lu .y. so'i da zasti .i do djica ma sa'e li'u ju'e lu mi na cinri .i ko pilno lo pa moi poi do viska li'u ju'i lu vi'o jatna li'u ni'o ba ze'i lo mentu be li ji'i re to la .djan. fengu catlu la .kricnan. ca'o ri toi la .moriartis. nergau le kumfa gi'e cusku lu do djica ma doi jatna li'u .i la .djan. cusku lu xu do pu zgana le se jadni po la nicte cadzu li'u .i my ze'i terpa catlu la .kricnan. gi'e ga'orgau le vorme gi'e cusku lu go'i li'u .i la .djan. cusku lu xu do troci lo nu facki da poi pilno le se jadni li'u ju'e lu na go'i doi jatna li'u ju'e lu .oi sai ma mukti li'u ju'e lu .y. .u'u sai doi jatna la'a do na krici le mukti li'u ju'e lu .oi cai doi ro do ko sisti lo nu cusku lo se du'u mi na krici .i mi bu'u se jibri ze'i pa jetfu .i do ba'e na djuno ma kau poi mi ka'e krici .i doi .moriartis. ko ciksi le mukti li'u ju'e lu le se jadni cu se jadni lo na cumki jmive li'u ju'e lu .oi sai lu lo na cumki jmive li'u cu se smuni ma .i li'a smuni no da li'u ju'e lu mi na djuno .i ku'i mi su'o pa roi ro jeftu cu terpa senvi le morsi jmive poi mi pu viska li'u ju'e lu .oi ko cliva li'u ni'o ba bo la .kricnan. cusku lu mi stidi lo nu do penmi da poi krati la nicte cadzu .i mu'i bo so'a bu'u pulji ba na sidju do lo nu kavbu ny cy .i .u'u sai li'u .i ky zi krici lo du'u le risna be le jatna cu fliba .i se mu'i bo le flira be le jatna cu binxo lo curve xunre .i ba bo la .djan. smaji cusku lu ko ji'a cliva pu lo nu mi catra do se pi'o le mi xanxe li'u .i la .kricnan. ca gasnu lo te minde - --------------------------------------------------------------------- ni'o vo pi re mo'o nu casnu gi'e krixa .i la .susan. cusku lu pe'u .stefen. ko ciksi lo krinu be lo nu mi joi do ku? po'o? cu vitke lo pulji li'u ju'e lu .y. mi vitke ki'u lo nu mi certu lo nu terpa co gasnu .i mi po'o sarcu .i do kansa mi ki'u lo nu la'a do cilre li'u ju'e lu cilre fi ma li'u ju'e lu lo tadji be lo nu terpa co gasnu lo remna kei .e lo makfa .e lo du'u lo remna na nelci ma'a li'u ju'e lu so'a remna na sanji ma'a li'u ju'u lu go'i .i ku'i so'a remna poi ca'a sanji ma'a cu xebni gi'e se terpa vau ma'a li'u ni'o la .susan. cu jgari le vorme be lo pulji dinju se va'u la .stefen. noi dasni lo kagni taxfu poi sy na pu viska ku'o zi'e noi cusku lo se du'u ckire .i cy co'a gleki je nai xendo cisma gi'e klama le rinsa gi'e cusku to ca'o cisma toi lu mi'a ba penmi le jatna li'u .i le rinsa cusku lu je'e .i ma poi cmene cu se cusku mi .ei le jatna li'u ju'e lu mi'a krati la nicte cadzu li'u .i le rinsa cu falgau lo cukta gi'e sutra cliva .i so'a remna poi nenri le kumfa cu ca'o terpa catlu sy joi cy .i cy ca'o cisma .i sy suksa zgana lo du'u le cisma jai jarco so'i denci ni'o ba bo le rinsa cu xruti gi'e gidva cy .e sy le cmalu kumfa poi vasru no remna gi'e se canko no da gi'e ku'i vasru pa brabra minra .i cy cusku lu la'a lo pulji cu djica lo nu vidni rejgau fi mi'o .i ku'i mi na djica li'u bau la .lojban. gi'e xraci'a so'i pluja makfa sinxa lo xance be sy .e cy .i ba zi bo le jatna cu nergau gi'e li'a mutce se spaji gi'e cusku lo glico panra be lu mi pu krici lo du'u do cliva li'u .i cy cusku lu mi na djica lo nu do rejgau fi mi'a .i se ki'u bo mi na curmi li'u ni'o le jatna cu zutse gi'e cusku lu so'i bu'u pulji cu se cfipu le se ticygau be do .i ku'i mi na go'i li'u .i la .stefen. cusku lu .y. .ua nai do mo li'u ju'e lu .u'u mi'e .djan. .i ji'a mi bu'u pulji jatna li'u ju'e lu je'e jatna xu do casnu fa lo bu'u pulji mi'a li'u ju'e lu li'a go'i li'u ju'e lu ju'o so'a bu'u pulji cu cusku lo se du'u mi'a sidju gi'e kurji vau lo drata remna .i ku'i za'a do to'e nelci mi'a .i xu do zmadu lo ro bu'u pulji lo ka mencre li'u ni'o le jatna cu senba lo ka fengu kei gi'e cusku lu mi na birti .i ku'i li'a mi zmadu certu lo ka rivbi lo nu tcica .i mi minde do'o lo nu do'o sisti lo to'e flalu gasnu li'u ju'e lu .u'i do va'o lo nu mi na sisti cu gasnu ma li'u ju'e lu to'i le jatna ca krixa li'u ju'e lu .i se ki'u bo do doi mabla cmacma remna .e? ro do mabla cizra pendo ba binxo lo pinfu ze'u lo ni do ba zu'u jmive li'u ni'o cy co'u cisma .i ku'i sy co'a cisma gi'e gasnu lo nu lo denci cu na'e remna clani binxo kei gi'e cusku lu .i'e nai doi jatna lo nu to'e clite cu na sarcu li'u .i cy ckire pencu le birka be sy gi'e cusku lu do va'o lo nu pinfu gasnu cu rinka lo nu so'i remna cu terpa je cortu mrobi'o .i la'a le vipsi be fi do cu pu cusku tu'a la'a di'u li'u .i le jatna cu cusku lu mi na djuno lo tadji be lo nu do zbasu lo morsi crida je'u nai .i ku'i mi na cinri .i mi ba'e na krici lo du'u do'o sidju gi'a bandu gi'a kurji .i mi krici lo du'u do'o mutce ckape .i mi ba gasnu lo nu do sisti li'u ni'o sy na'e sutra cadzu fa'a lo trixe be le jatna .i ku'i cy muvdu cusku lo se du'u sy gasnu no da .i ku'i le nilsutra be tu'a? sy cu mutce spaji jy .i se ki'u bo sy gleki ni'o cy sanli le stizu gi'e cusku lu mi ba'e na cinmo tu'a le krici be do .i ku'i da'i do xairgau mi'a gi'a zunti le gunka be mi'a .i se mu'i bo mi to'i ca ku lo fagri cu se krasi le kanla .e le xance vu'o po'e ?? can use be ?? cy toi ba catra .o'o nai sai le pendo be do .e le lanzu be do .e ba bo do .i to'i le fagri cu mutce carmi binxo .i cy co'a cladu kriza toi xu do jimpe doi bebna li'u - --------------------------------------------------------------------- ni'o le skapi be le jatna cu pu co'a skari lo ka mutce kandi .i za'a jy tcetce terpa cy gi'e cusku lu mi jimpe li'u .i se ki'u bo cy sisti tu'a lo fagri .i sy ti'a jy cisma se ra'a le nu jy terpa .i ba bo cy cusku lu mi jimpe lo du'u do djica lo nu bandu lo remna .i mi'a ji'a djica .i se ki'u bo mi stidi lo nu do .e so'o bu'u pulji cu sidju mi'a lo ba zi bandu cuntu .i xu do tugni li'u .i le jatna cu smaji cusku lu mi tugni li'u ju'e lu .ui .i mi ba zi fonta'a do ca lo nicte la'a .i ko ba bredi li'u ni'o la .susan. .e la .stefan. cu sutra cliva le kumfa .e le dinju .i ku'i le jatna ze'u zutse gi'e desku .i ba bo le jatna cu viska le vidni vreji poi vasru le jatna .e ci voksa .e lo fagri ku? po'o gi'e tcetce terpa .i ba zi bo le jatna cu klama le xabju gi'e ze'a klaku - --------------------------------------------------------------------- ni'o vo pi ci mo'o nu jmaji .i la .susan. nergau le citka kumfa ba lo nu rapcreze'a lo dabytadji gi'e cusku lu li'a mi'o ba zi gunta ma li'u .i la .stefen. cu cmalu cisma gi'e cusku lu la rokyka'argau li'u ju'e lu .y. zo rokyka'argau cu lujvo fo ma .u'u li'u ju'e lu lu rokci katna gasnu li'u li'u ju'e lu .yyyy. .ua nai la rokyka'argau xu cu mipri girzu gi'e na ca'a katna lo rokci gi'e gasnu lo mipri ritli gi'e sidju lo verba .e lo simsa li'u .i la .stefen. milxe fengu cusku lu doi .deivid. ko zenba lo ka certu ctuca la .susan. li'u .i vy cusku lu .u'u ru'e sy nelci lo nu damba .e nai lo nu jundi ve cusku .i ji'a mi troci to'i sy ca co'a cusku toi li'u .i sy cusku lu na jetnu .i mi mutce certu lo ka jundi .i mu'i ma du cusku to'i sy ca zgana lo du'u cy troci lo nu na cisma .i se ki'u bo sy co'u tavla toi li'u .i sy milxe bo fengu je se zdile catlu vy ni'o cy cmalu cmila gi'e cusku lu la rokyka'argau cu ro roi damba la nicte cadzu tu'a lo remna .i so'a banli cmima be ry ky gy cu se lijda fi lo daspo fekcrida .i ku'i so'a to'e banli cmima cu fe'u po'o sidju lo verba gi'e te ritli fi lo to'e vajni gi'e pilno lo mipri xance bo jgari tadji gi'e vrici to'e vajni .i ma'a damba ry ky gy ze'u li nanca be li so'o no no li'u .i sy cusku lu .ue sai mi pu krici lo du'u la rokyka'argau cu cizra li'u ni'o sy cusku lu ta'o nai la rokyka'argau cu gasnu ma li'u .i la .deivid. cusku lu lo nu troci lo nu daspo lo barda dinju gi'e catra so'i remna .i ry ky gy zerle'a? so'i tabykrili .i se ki'u bo ny cy djuno lo du'u ba troci lo nu zbasu lo rokci remsmimi'i .i xu mi pu ciksi lo remsmimi'i do li'u ju'e lu xu makfa minji gi'e se tarmi lo remna li'u ju'e lu go'i .i lo rokci remsmimi'i cu tcetcetce tsali gi'e jai nandu fai lo nu catra .i se mu'i bo ny cy troci lo nu facki le se diklo be lo nu zbasu .i ji'a snada .i ry ky gy se ritli ca le cabycta bu'u le jesydinju po la merko banxo li'u ju'e lu xu lo pulji cu kansa mi'o lo nu gunta li'u ju'e lu go'i .i mi'o penmi py ze'o le jesydinju li'u ni'o le pulji jatna ca lo nu le gunta girzu be fi la .stefen. .e la .susan. .e la .deivid. .e la .kim. cu cliva le karce cu cusku lu .oi sai do bevri ma pau nai .i li'a le ti xumjimcelxa'i cu to'e jai se flalu .i mi zifre lo nu flalu kavbu ki'u ti po'o li'u .i la .deivid. fengu je smaji cusku lu do zifre lo nu ba'e troci li'u .i cy za'u re'u barda cisma gi'e cusku lu doi verba doi verba ko sisti .i mi'o nitcu lo nu sutra klama .i la'a ru'e pu cfari li'u .i le jatna cu cusku lu ma cfari li'u ju'e lu ju'o do na krici tu'a mi va'o lo nu da'i mi ciksi .i ko se gidva mi li'u ni'o za'a le jatna to'e gleki .i ku'i ri .e so'o drata pulji cu se gidva la .stefen. .i le jatna ca lo nu le girzu re'o le vorme be le jesydinju cu cusku lu do na zifre lo nu nergau li'u .i cy catlu le jatna tai lo ka cusku lo se du'u xu go'i .ia nai sai .i cy cusku lu doi .kim. li'u .i ky ze'i gunka catlu le vorme .i se ri'a bo le ro girzu cu tirna lo sance br lo nu lo stela cu kalri binxo .i se ki'u bo le girzu cu nergau le jesydinju .i ca bo la .susan. sumne lo carvi gi'e peisku lu mi nelci lo nitce nu carvi li'u ni'o ba za bo le girzu cu nergau le -elevator-? si'u la .kim. .i le jatna ca lo nu farlu cu cusku lu doi .stefen. ma nenri le xekri tanxe li'u ju'e lu lo barda xumjimcelxa'i li'u .i le jatna na jarco lo ka gleki .i la .deivid. cu smaji cusku bau la .lojban. lu lu ma ji'a mi'o se ponse li'u ju'e lu lo xa mei fekcrida dakli li'u li'u .i la .susan. ze'i se cfipu gi'e ku'i ba bo morji lo skinsa to ri poi na te bangu fi la .lojban. li'a sai toi .i lo nu na cmila cu mutce nandu sy - --------------------------------------------------------------------- ni'o vo pi vo mo'o rokci .i la .susan. pu lo nu viska da poi cinri cu tirna le nu la .stefen. cusku lu malgletu lo xarju li'u .i le girzu cu sutra cliva le -elevator-? .i ba bo la .susan. cu viska ji'i bi remna noi dasni lo pastu kei .e pa brabra derxi be lo dertu lo midju be le kumfa .i le kumfa cu barda gi'e vasru so'u karce .i sy suksa zgana lo du'u le dertu cu ca'a rokci gi'e ra'u ponse lo birka .e lo xunre gusni kanla .i se mu'i bo sy ji'a cusku lo mabla ni'o so'u le pastu remna cu co'a bajra fa'a le girzu .i la .stefen. cu co'a kargau le tanxe gi'e cusku lu doi pulji ko gasnu tu'a le ta zo'i remna li'u .i ku'i le ro pulji noi terpa catlu le rokci remsmimi'i cu na sezmuvgau .i se ki'u bo la .deivid. cladu bacru lu doi .djan. to'i na frati .i zmadu lo ka cladu toi doi .djan. to'i le jatna cu catlu vy toi ko bandu la .stefen. .i to'e se mu'i bo da'i ba'e mi catra do li'u .i la .djan. minde le drata pulji .i le pulji co'a celgunta le pastu remna .i ku'i le ve xumjimcelxa'i cu se minra lo mucti badgai noi sruri ro le pastu remna .i le pastu remna co'a jibni ni'o la .kim. so'i roi cusku lu rebla .i porpi .i ranti li'u .i sy zgana lo nu le ve xumjimcelxa'i ca'o pagre le badgai .i ca bo vy minde lo nu sy joi my gunta lo drata ke pastu remna poi ca'o gasnu lo ritli gi'e troci co fanta lo nu le remsmimi'i cu gunta cy .i se ki'u bo sy .e vy bajra fa'a le riltu stuzi ni'o sy ca lo nu bajra cu zgana so'o cnino .i pa pasru remna to ta'o ro le pasru cu xekri toi cu jgari lo plimatga'a cladu bacru lo cizra valsi .i sy smadi lo du'u le go'i cu jatna .i ji'a sy zgana lo du'u le cidni .e le janco vu'o po le remsmimi'i cu marji lo tabykrili po'o .i sy peisku lu .oi li'a ta na ponse lo ruble pagbu poi simsa lo remna li'u ni'o sy zi pa pastu remna cu jgari re makfa dakfu noi ny cy pu za dunda ke'a sy .i le remna cu troci lo nu darxi sy lo dakfu .i ku'i sy sezmuvgau se pi'o ro nilisutra be lo blupinxe .i se ri'a bo le dakfu cu katna lo vacri po'o .i ba zi bo sy punji pa dakfu re pinca rango .i se ri'a bo le rembna cu cortu krixa gi'e farlu .i ji'a sy ri'u tirna lo krixa be lo remna poi vy gunta ni'o fi'o suksa bo le remsmimi'i cu lacpu lo birka ze'o le loldi .i sy bajra fa'a le remsmimi'i goi ko'a gi'e darxi le xance be ko'a pa dakfu .i lo nu vimcu le degji pagbu cu mutce spaji sy noi peisku lu .ue sai ga mi xamgu se funca gi ti na mutce vlipa li'u .i ko'a fengu krixa gi'e troci lo nu darxi sy .i ko'a zmadu lo se kanpe be sy lo ka sutra .i ko'a milxe darxi pa janco be sy .i ku'i la'e di'u rinka lo nu sy ze'a na kakne lo nu ganse tu'a pa birka ni'o sy ca'o troci co gasnu lo nu ko'a gunta sy po'o .i sy milxe zgana lo nu vy co'a troci lo nu sidju .i ku'i ba zi bo le jatna be le ritli remna cu ze'o bajra .i se mu'i bo vy celgunta le jatna .i ku'i na catra .i ca'o bo sy plipe lo diklo poi jibni gi'e na cnita vau le xanxe be ko'a .i fi'o suksa bo sy tirna lo tcetce cladu sance le sance be tu'a lo jibni be cy .i sy ze'i krici lo du'u da gasnu lo nu de lindi la .stefen. .i se ki'u bo sy viska catlu fa'a cy .i sy zgana lo du'u cy pu zi pilno lo xumjimcelxa'i poi zmadu ro xumjimcelxa'i poi sy pu viska vau lo ka barda .i le xarci cu zmadu cy lo ka clani ni'o sy za'u re'u co'a carna fi le rokci ca lo nu sy tirna lu doi sy ko plipe li'u .i ku'i sy na bredi gi'e milxe cfipu .i ba zi bo sy vofli .i ba zi bo sy lifri lo nu lo temci flecu cu susti - --------------------------------------------------------------------- ni'o le jmive noi nenri sy cu cuksu lu .oi sai le rokci cu pu zi darxi do pi ro pa xance le do betfu .i do ca tcetce se xrani fo lo nu so'o rango cu spofu gi'e cupra lo ciblu li'u .i sy cusku lu xu mi ba mrobi'o li'u ju'e lu na go'i .i ku'i ju'o do ba dukse cortu .i mi kakne co gasnu lo nu do ze'a na cortu .i ku'i ro nu muvdu cu zenba lo ba nu cortu li'u ju'e lu .y. ma mukti lo nu mi djica la'e di'u li'u ju'e lu lo nu do rivbi le rokci li'u ju'e lu .ua je'e .i xu do kakne co jarco lo ni mi ca cortu li'u ni'o le jmive na cusku .i ku'i sy lifri lo simsa be di'e .i tu'e pa dakfu cu pagre re pina rango be sy .i ku'i lo dakfu cu mutce glare gi'e cilmo lo slami .i ji'a lo glare je kinli cilta cu sruri jdari lo canti be sy gi'e zenba lo ka trati tu'u .i sy ca lo nu co'a cortu cu zi co'a klaku gi'e menli cusku lu mi na kakne lo nu rivbi vau co lo nu simsa cortu li pe'u jmive ko sisti gasnu li'u .i le nu cortu cu se sisti .i le jmive cu cusku lu lo ni cortu ba lo nu do rivbi cu mutce zenba lo ka duknu rinka .i ku'i .u'u .uu la'a no drata te cuxna li'u ju'e lu .ie .i ko fanta lo nu mi rinka lo mosri rinka ve xrani li'u ju'e lu vi'o .susan. li'u ju'e lu .ii mi bredi li'u .i ba zi bo lo temci flecu cu ranji .i se ri'a bo sy farlu ni'o sy janli lo kamju .i ku'i sy kurji vo'a se pi'o le xance gi'e plipe lo darno be le rokci le kamju .i sy peisku lu li'a cy nitcu lo nu celgunta le rokci .i se ki'u bo lo nu mi jbini cy le rokci cu sidju lo nu cy kakne co celgunta lo pagbu poi cy djica li'u .i ku'i ba zi bo vy plipe lo crane be sy gi'e cusku lu do tcetce se xrani .i ko cliva li'u gi'e plipe le stedu be le rokci .i sy tinbe gi'e klama lo trixe be cy ni'o ky .e sy ze'a catlu lo nu cy .e vy troci co catra le rokci .i le rokci .e le vo kalte .e nai lo drata poi jmive cu nenri le kumfa .i za'a vy ba lo nu minde sy cu jgari le stedu be le rokci .i ri mutce tolmencre .i ku'i ri ji'a mutce sutra .i ri so'i roi troci lo nu xairgau vy .i ku'i vy ro roi rivbi .i ji'a cy di'i troci lo nu celgunta le cutne be le rokci lo nu daspo le rinsa fi'o ciksi ky kei le brabra .i sy pu na djuno lo du'u lo simsa vlipa ke xance xumjimcelxa'i cu zasti .i sy zgana lo nu cy jai gau porpi lo rocki poi barda simsa lo jgari xance .i ji'a sy zgana lo nu cy jai gai daspo so'o tabykrili ni'o ba za bo pa ve xumjimcelxa'i cu pagre fi le risna be le rokci .i sy krici lo du'u lo litce be li za'u mu flecu lo ciblu fo le risna .i le rokci cu cmoni gi'e farlu .i vy plipe lo loldi .i cy cusku lo doi .susan. ko vreta binxo to'i sy ze'i denpa toi ba'e ca ku li'u .i sy tinbe .i le jmive cu menli cusku lu mi xenru li'u ni'o sy pu lo nu kakne lo nu krixa cu binxo lo ka tolsanji ri'a lo ni cortu - --------------------------------------------------------------------- ni'o vo pi ci mo'o nu ka'orze'a .i ba za bo la ko'a co'a ganse .i lo ka cortu cu so'a si'e lo se ganse be ko'a .i ku'i ko'a ji'a tirna lo vokse .i ku'i ze'u bo ko'a na jimpe lo se smuni be lo selsku po lo voksa .i ba bo ko'a jimpe lo du'u le so'o voksa cu jai casnu da poi se cmene zo susan .i se ki'u bo ko'a ganse lo selsku noi se krasi lo menli be ko'a .i ko'a te cusku lu lo voksa cu jai cansu do .i do se cmene zo .susan. li'u .i ba za bo ko'a menli cusku lu .ua ma rinka lo nu mi na morji li'u ju'e lu do pu se xrani fi so'e lo tcetcetcetce jursa .i mi stidi lo nu do za'u re'u tolsanji binxo li'u ju'e lu .ui sai xu mi kakne li'u ju'u lu go'i li'u .i se mu'i bo sy gasnu ni'o ba zu bo la .susan. cikna binxo mu'i lo nu da pencu le ctebi lo lenku je cilmo bukpu .i sy viska la .devid. noi pencu .i sy pencu le tance le djacu gi'e cusku lu ma cabyku'e li'u .i vy milxe cisma gi'e cusku lu do pu te preti lo simsa su'o vo roi ku .i ku'i mi gleki lo nu do na cusku lu mi mo li'u .i lo djedi be li ci cu cabyku'e lo nu do so'a roi sipna li'u .i sy gasnu co sinxa lo nu jimpe gi'e cusku lu mi nitcu lo djacu li'u .i vy dunda lo kabri gi'e cusku lu ko pinxe lo tcetce cmalu .i le do betfu cu mutce se xrani .i sy tinbe gi'e xruti lo kabri .i sy djica lo nu te preti so'i da .i ku'i sy zi tolsanji binxo .i vy prami satre le mebri be sy gi'e cusku lu sy ka'orze'a li'u la .djen. .i ri cusku lu go'i .ui sai to'i dy denpa gi'e catlu le xance be vy toi .i xu djuno li'u ju'e lu na go'i li'u ju'e lu je'e .deivid. li'u ni'o ba zu bo la .susan. cisma se ra'a lo nu la .deivid. nergau le ka'orze'a kumfa .i sy gleki gi'e milxe spaji vau lo nu vy di'i vitke sy .i vy cusku lu doi .susan. mi bevri lo titla grute se va'u do li'u .i ku'i sy cusku lu .ui sai .u'u mi ca'o na kakne lo nu citka .i lo si'o mi citka cu ca ca'a rigni mi .i ku'i mi gleki lo se dunda li'u ju'e lu za'a do jdika lo junta .ui nai li'u .i sy jarco lo ka fanza ce'u kei gi'e cusku lu le jmive cu cusku lo se du'u le canti be mi cu na kakne lo nu pilno lo cidja kei .i ku'i lo nejni cu sarcu lo nu cikre .i se ki'u bo le jmive cu pilno lo grasu to .oi mi no roi ponse du'e ri toi .e lo sluji .oi sai .i ji'a le jmive cu minde lo nu mi na pilno lo ka cortu rivbi xukmi li'u ju'e lu .uu sai .a'o do ba zi kakne lo nu citka li'u ju'e lu ki'e .deivid. li'u ni'o vy co'a cliva .i ku'i sy cusku lu ma tcini le pulji jatna li'u .i vy cisma gi'e cusku lu ju'o le jatna ba sidju ny cy ca lo nu mi'o nitcu .i le rokci remsmimi'i pu na jai gau xrani le dinju .i ku'i le jatna cu jimpe lo du'u le rokci cu kakne lo nu daspo li'u .i sy ji'a cisma gi'e cusku lu mutce xamgu li'u .i sy ba lo mentu be li ji'i mu poi lamji balvi lo nu vy cliva cu sipna - --------------------------------------------------------------------- ni'o ba zu bo sy tcidu ca lo nu vy vitke .i vy cusku lu do ticdu ma li'u ju'e lu .y. to'i sy zgana le sinxa toi la'e lu lo remna .e lo ranmi li'u .i la .dalton. pu zasni dunda ti mi li'u ju'e lu ma mukti li'u ju'e lu mi djica lo nu cilre za'u da lo fekcrida .i mi na nelci lo nu se spaji .i ji'a la .djen. xusra lo nu la'a mi ba bilma ca'o lo djedi be li ji'i mu .i xu do djuno lo du'u lo barda vofli crida cu pa ca'a fekcrida .i ri so'i roi se ranmi .i mi pu so'i roi pensi lo rinka li'u ju'e lu mi go'i .i ti'a do curmi lo nu citka li'u ju'e lu .ui sai go'i li'u .i vy dunda sy lo -pomegranite-? ni'o sy mutce cisma gi'e cusku lu .ui sai do djuno lo du'u mi nelci lo -pomegranite-? ta'i ma li'u ju'e lu mi pu zgana lo nu do citka ri .i .a'o do nelci .i ku'i .u'i mi mu'i lo du'u do na remna cu te vecnu .y. ji'i pa ci da poi nenri le ti dakli li'u ju'e lu .u'i sai ki'e sai .deivid. do mutce xendo mi li'u ju'e lu ki'e .susan. li'u .i sy co'a citka lo -pomegranite-? .i ku'i la .djen. cuksu lu lo nu do cirko pi za'u no -pomegranite-? litki lo boxfo cu mukti lo nu mi gasnu lo nu do lumci li'u .i vy cisma gi'e cusku lu mi ca'a pu viska lo nu sy citka .i se ki'u bo mi bevri lo tansi li'u .i vy dunda .i sy se jvinu lo ka no'e jinru cinmo cortu kei gi'e cusku lu mi ro roi curve lo ka clite kei ca lo nu mi citka li'u .i ba zi bo ro da cladu cmila - --------------------------------------------------------------------- ni'o sai mu mo'o gapru loldi ni'o mu pi pa mo'o nu kajde .i la .susan. cu cusku lu .i ba la'e di'u ti na se sazri li'u .i la .rut. .ann. cusku lu la'a le sutra vreji pagbu cu spofu li'u gi'e punji le vreji cukla le skami gi'e cusku lu .u'u le sutra vreji cipra semtci ba ze'u gunka .i .e'u mi'o vitke le citka kumfa li'u .i sy tugni .i se ki'u bo sy joi ry klama le citka kumfa ni'o la .kim. pu nenri le citka kumfa .i sy joi ry zutse ne'a ky .i ry fa'u sy cpedu lo jisra be lo slari grute mu lo glare cirla snuji la .djen. ni'o lei ci ninmu ze'a casnu .i la .kim. cusku lo se du'u le bruna be la .deivid. pu zi canci .i ry simsa lo ka milxe terpa pensi la'e di'u .i sy cusku lu xu vajni li'u .i ry cusku lu le bruna be dy cu ze'u jilra dy se ki'u lo blupinxe se vlipa be dy .i ku'i le bruna cu djuno no da poi srana lo blupinxe .i ku'i by pi viska lo se vlipa fi'o se snuti dy .i ba bo by di'i troci lo nu facki lo krasi be lo se vlipa be dy .i ji'a le bruna na xendo .i mi terpa lo nu da'i le bruna cu troci lo nu sfasa dy kei ta'i lo nu canci simlu li'u ni'o ba za bo la .pal. nergau le kumfa fi'o kansa lo mutce cmalu je tolcitno ninmu .i la .kim. sanli gi'e cilte krosa'i gi'e cusku bau la .gliban. lo'u .io fi'i .uujin. mi'a mutce gleki lo nu le'u .i la .uujin. cu jai dicra la .kim. gi'e cusku lu le cukta cu te facki li'u .i ky se jvinu lo ka tera kei gi'e cusku lu bu'u ma li'u ju'e lu lo jibni .i le judri cu cpana le ti pelji li'u .i le tolcitno ninmu cu dunda le pelji gi'e sutra cliva ni'o ky catlu le pelji gi'e ku'i sy krici lo du'u ky na tcidu .i ry ji'a to'e gleki simlu .i se mu'i bo sy cusku lu le cukta cu mo li'u .i la .deivid. to ri pu zi nergau le kumfa .i sy tirna .i ku'i ry milxe se spaji toi cusku lu le ralju cukta be fu lo ciblu joi lo bongu .i mi'o te cmene fi la'e di'u mu'i lo nu le cukta cu marji lo pelji be lo remna bongu joi lo xinmo be lo remna ciblu li'u ju'e lu .yyy. zbasu lo pelji be lo remna bongu ta'i ma li'u ju'e lu gasnu lo purmo gi'e pilno lo makfa li'a li'u ju'e lu je'e do cukta ma ma ma li'u .i la .kim. cusku lu lo makfa po lo fekcrida lo na se djuno lo fenki poi djica lo nu vlipa binxo li'u ni'o sy ze'a smaji pensi gi'e ba cusku lu ma mukti lo nu do na daspo le cukta li'u .i ro jibni cu milxe cmila .i vy cusku lu mi'o so'e roi daspo ri .i ku'i ri ro roi xruti .i mi'o ji'a troci lo nu mipri se pinfu ri .i ku'i ri ro roi canci gi'e b